जगातील प्रसिद्ध उद्योगपती मुकेश अंबानी आणि नीता अंबानींच्या ‘नीता मुकेश अंबानी सांस्कृतिक केंद्र’चा उद्घाटन सोहळा नुकताच पार पडला. सध्या या सोहळ्याची सातत्याने चर्चा पाहायला मिळत आहे. या सोहळ्याला बॉलिवूडमधील सिनेतारकांनी हजेरी लावली होती. बॉलिवूड कलाकारांच्या उपस्थितीने या सोहळ्याला चार चांद लागले. या सोहळ्यातील अनेक फोटो व व्हिडीओ सोशल मीडियावर व्हायरल होत आहेत.
नुकतंच या कार्यक्रमातील व्हिडीओ समोर आला आहे. या व्हिडीओ प्रियांका चोप्रा आणि निक जोनस यांच्यातील बॉन्डिंग पाहायला मिळाले. तिचा हा व्हिडीओ सोशल मीडियावर व्हायरल होताना दिसत आहे.
आणखी वाचा : “ही वेळ आपल्या घरच्या मुलीवरही येऊ शकते”, प्रसिद्ध इन्स्टा स्टारची व्हायरल अश्लील व्हिडीओप्रकरणी पोलिसांत धाव, म्हणाली “लोकांना मजा मारायला…”
या कार्यक्रमादरम्यान प्रियांका चोप्रा आणि रणवीर सिंह हे ‘गल्ला गुड़िया’ या गाण्यावर नाचताना दिसत आहेत. त्यानंतर रणवीर हा तिला स्टेजवरुन खाली सोडायला जातो. त्यावेळी निक हा पायऱ्यांजवळ उभा असल्याचे पाहायला मिळत आहे. प्रियांका खाली येत असल्याचे पाहून निक हा तिला हात देतो. यावेळी रणवीरही निकच्या या कृतीचे कौतुक करतो.
आणखी वाचा : Video : प्रियांका चोप्रा-रणवीरचा डान्स पाहून शाहरुख खानच्या पत्नीने केलं असं काही…; व्हिडीओ व्हायरल
या व्हिडीओवर अनेक नेटकरी कमेंट करताना दिसत आहेत. यावेळी निकच्या या कृतीचे नेटकऱ्यांकडून कौतुकही केले जात आहे. “याला जेंटलमन म्हणतात”, अशी कमेंट एकाने केली आहे. तर एकाने “ते एकमेकांच्या किती प्रेमात आहेत”, असे कमेंट करत म्हटले आहे.
