परिणीती चोप्रा आणि राघव चड्ढा यांचा विवाहसोहळा २४ सप्टेंबरला उदयपूरमध्ये थाटामाटात संपन्न झाला. दोघांच्याही शाही लग्नाला बॉलीवूड सेलिब्रिटी आणि राजकीय क्षेत्रातील दिग्गजांनी हजेरी लावली होती. भारतीय टेनिसपटू सानिया मिर्झा आणि परिणीती चोप्रा गेल्या अनेक वर्षांपासून फार चांगल्या मैत्रिणी आहेत. त्यामुळे सानियाला या लग्नाचं विशेष आमंत्रण देण्यात आलं होतं. सानियाने राघव-परिणीतीच्या लग्नातील काही Inside फोटो नुकतेच सोशल मीडियावर शेअर केले आहेत.
सानियाने शेअर केलेल्या फोटोंमध्ये परिणीती आणि राघव या जोडप्याने त्यांच्या पाहुण्यांना खास रुमाल दिल्याचं दिसत आहे. या रुमालावर खास संदेशदेखील लिहिण्यात आला आहे. सानियाने शेअर केलेल्या फोटोंमध्ये या रुमालाची झलक पाहायला मिळत आहे.
परिणीती-राघवच्या लग्नात सगळ्या पाहुण्यांना पांढरा शुभ्र असा रुमाल देण्यात आला होता. यावर “आमचं लग्न पाहून जर तुमच्या डोळ्यात पाणी आलं, तर या रुमालाचा नक्की उपयोग करा” असा गोड संदेश लिहिण्यात आला होता. सानियाने याची खास झलकर इन्टाग्रामवर शेअर केली आहे.
दरम्यान, २४ सप्टेंबरला उदयपूरमधील ‘द लीला पॅलेस’मध्ये या आलिशान हॉटेलमध्ये राघव-परिणीतीचा विवाहसोहळा पार पाडला. दोघांच्या लग्नासाठी खास तयारी करण्यात आली होती. चोप्रा आणि चड्ढा कुटुंबीय, जवळचे नातेवाईक, बॉलीवूड सेलिब्रिटी, राजकीय क्षेत्रातील दिग्गज मंडळी या नव्या जोडप्याला शुभेच्छा देण्यासाठी उदयपूरमध्ये उपस्थित होते. लवकरच, राघव आणि परिणीती बॉलीवूडकरांसाठी खास रिसेप्शन पार्टीचं आयोजन करणार आहेत.