बॉलिवूड अभिनेत्री परिणीती चोप्रा आणि आम आदमी पार्टीचे खासदार राघव चड्ढा यांच्या लग्नाची सध्या जोरदार चर्चा सुरु आहे. परिणीती आणि राघव यांनी १३ मे रोजी साखरपुडा करत सगळ्यांनाच सुखद धक्का दिला. दिल्लीतील कपूरथला हाऊस या ठिकाणी त्यांचा थाटामाटात साखरपुडा पार पडला होता. आता त्यांच्या लग्नाच्या रिसेप्शनची निमंत्रण पत्रिका समोर आली आहे.
इन्सटंट बॉलिवूडने नुकतंच इन्स्टाग्रामवर एक पोस्ट शेअर केली आहे. या पोस्टमध्ये राघव चड्ढा यांच्या लग्नाचे रिसेप्शन कुठे होणार याचं आमत्रंण समोर आले आहे. ही आमंत्रण पत्रिका फारच सुंदर आहे.
आणखी वाचा : “१० वर्षांपूर्वी घराची नोंदणी केली, पण…”, शशांक केतकरची मोठी फसवणूक; म्हणाला “बिल्डरला…”
या पत्रिकेवर त्यांच्या कुटुंबातील ज्येष्ठ व्यक्तींची नाव लिहिण्यात आली आहेत. त्याखाली राघव आणि परिणीती हे नाव पाहायला मिळत आहे. त्याबरोबरच परिणीतीच्या आई-वडिलांचेही नाव दिसत आहे.
परिणीती आणि राघव यांचे लग्नाच्या रिसेप्शनचे निमंत्रण पत्र पांढऱ्या रंगात पाहायला मिळत आहे. त्यावर सोनेरी रंगाची डिझाईन आहे. येत्या ३० सप्टेंबरला ताज चंदीगड या ठिकाणी लग्नाचे रिसेप्शन आयोजित करण्यात आले आहे. हे रिसेप्शन दुपारच्या वेळी असणार आहे.
दरम्यान परिणीती चोप्रा आणि राघव चड्ढा येत्या २५ सप्टेंबरला लग्नगाठ बांधणार असल्याचे चर्चा सुरु आहे. काही मीडिया रिपोर्ट्सने नमुद केल्याप्रमाणे, उदयपुरमधील ओबेरॉल उदयविलास रिसॉर्टमध्ये दोघंही लग्न करणार असल्याचं सांगितलं जात आहे. पिछोला लेकच्या किनारी हे पंचतारांकित हॉटेल आहे. रिसॉर्ट अगदी महागडं आहे.
