“अमिताभ बच्चन यांनी दिलेली ‘ती’ वस्तू घेतली नाही याचा आजही पश्चाताप”, ‘मोहब्बतें’ फेम अभिनेत्रीने सांगितला किस्सा

दिग्दर्शक आदित्य चोप्रांचा ‘मोहब्बतें’ (२०००) हा सर्वात मोठा हिट ठरला. शाहरुख खान, अमिताभ बच्चन आणि ऐश्वर्या राय यांच्या मुख्य भूमिका असलेल्या या चित्रपटाने प्रीतीला मोठी ओळख दिली. या सिनेमात तिची भूमिका अनेक सपोर्टिंग कॅरेक्टर्समधील (सहायक पात्र) एक होती, तरीही तिने प्रेक्षकांवर प्रभावी छाप सोडली आणि तिच्या करिअरला चालना मिळाली.

हेही वाचा..अभिनेता परवीन डबास अपघात : पत्नी प्रीती झांगियानीने दिली प्रकृतीची माहिती

अलीकडेच प्रीती झांगियानीने ‘मोहब्बतें’ चित्रपटातील अमिताभ बच्चन यांच्याबरोबरच्या आठवणी शेअर केल्या. अमिताभ यांच्यासमोर ती सुरुवातीला थोडी घाबरलेली होती, हे मान्य करत तिने एक किस्सा सांगितला; जिथे तिने अमिताभ बच्चन यांनी दिलेल्या वस्तूला नकार दिला, ज्याचे तिला अजूनही खूप वाईट वाटते असे तिने सांगितले.

बुजऱ्या स्वभावामुळे अमिताभ यांनी दिलेली वस्तू नाकारली

प्रीतीने सांगितले, “कॅमेऱ्यासमोर मी नेहमी आत्मविश्वासपूर्ण असायचे, पण कॅमेऱ्याच्या मागे मी खूप लाजाळू आणि अंतर्मुख होते; ते माझ्यासाठी कठीण होते. ‘मोहब्बते’चे शूटिंग फिल्म सिटीमध्ये होत होते आणि खूप थंडी होती. एके दिवशी अमिताभ बच्चन यांनी मला त्यांची शाल दिली आणि म्हणाले की ती शाल अंगावर घे, पण मी घाबरून म्हटलं, ‘नाही नाही, मी हे घेऊ शकत नाही.’ त्यावर यशजी (यश चोप्रा) म्हणाले, ‘अग, अमिताभ बच्चनने मला ती शाल दिली असती तर मी ती घरी नेली असती आणि कधीच परत दिली नसती.’ आजही मला त्याचा खूप पश्चाताप होतो,” असे तिने ‘झूम’ला दिलेल्या मुलाखतीत सांगितले.

पुढे प्रीतीने सांगितले, “अमिताभ बच्चन हे मनाने अगदी लहान मुलांसारखे आहेत. ते तरुण कलाकारांना नेहमी म्हणायचे, ‘मला म्हाताऱ्यांबरोबर बसवू नका, मला तुमच्याबरोबर बसायला आवडेल; तुमच्या काय गप्पा सुरू आहेत त्या ऐकायला आवडतील.” २००० साली सर्वाधिक कमाई करणाऱ्या चित्रपटांपैकी ‘मोहब्बतें’ हा एक होता. अमिताभ बच्चन यांच्या करिअरच्या एका कठीण काळानंतर मोठ्या कालावधीनंतर त्यांना एक हिट सिनेमा मिळाला होता.”

हेही वाचा…मराठमोळ्या शिबानी दांडेकरने पतीच्या पहिल्या बायकोचं केलं कौतुक; सावत्र मुलींबरोबरच्या नात्याबद्दल म्हणाली, “त्या खूप…”

‘या’ अभिनेत्याची पत्नी आहे प्रीती झांगियानी

२००८ मध्ये प्रीती झांगियानीने ‘खोसला का घोसला’फेम अभिनेता परवीन डबास बरोबर लग्न केले. लग्नानंतर तिने चित्रपटातून ब्रेक घेतला. २०२३ मध्ये तिने ‘काफस’ या वेब सीरिजमधील प्रभावी भूमिकेसह दमदार पुनरागमन केले.