अभिनेत्री प्रीती झिंटाने काल (२७ डिसेंबर २०२४) ला सोशल मीडियावर सलमान खानला वाढदिवसाच्या शुभेच्छा दिल्या. याच पोस्टबरोबर प्रीतीने तिचे आणि सलमानचे काही जुने फोटो पोस्ट केले आहेत. प्रीती झिंटाने एक्स (पूर्वीचे ट्विटर) वर हे फोटो पोस्ट केले.
या फोटोंमध्ये, ते दोघे हसताना आणि एकमेकांना मिठी मारताना दिसत आहेत. एका फोटोत त्यांचा एका चित्रपटातील सीनही दिसतो. शेवटच्या फोटोत, दोघे टेबलावर पाय ठेवून पोझ करताना दिसतात. प्रीतीने हे फोटो पोस्ट करत लिहिले, “हॅपी बर्डे सलमान . फक्त एवढंच सांगायचं आहे की, माझं तुझ्यावर खूप खूप प्रेम आहे . उर्वरित गोष्टी तुझ्याशी बोलताना सांगेन…आणि हो, आपल्याला अजून फोटोज काढले पाहिजेत नाहीतर मी हेच जुने फोटो पोस्ट करत राहीन!”
Happy Burrday @BeingSalmanKhan ?Just wanna say I love you the mostest ? Rest will tell you when I speak to you ….. and yes we need more photos otherwise I will keep posting the same old ones ! Ting ? pic.twitter.com/XLVHxTIFY6
— Preity G Zinta (@realpreityzinta) December 27, 2024
एका युजरने या पोस्टवर प्रीतीला विचारले, “तुम्ही दोघं कधी डेट केलं होतं का?” यावर प्रितीने उत्तर दिलं, “नाही, अजिबात नाही! तो माझ्या कुटुंबाचा एक भाग आहे आणि माझा मित्र आहे. तो माझ्या पतीचा मित्रही आहे….”
No not at all ! He is family & my closest friend and my husband’s friend too .. just in case you were wondering ?? Sorry ! Couldn’t resist ?
— Preity G Zinta (@realpreityzinta) December 28, 2024
सलमान आणि प्रीतीचे चित्रपट
प्रीती आणि सलमानने अनेक चित्रपटांमध्ये एकत्र काम केले आहे. यामध्ये ‘हर दिल जो प्यार करेगा’ (२०००), ‘चोरी चोरी चुपके चुपके’ (२००१), ‘दिल ने जिसे अपना कहा’ (२००४), ‘जान-ए-मन’ (२००६), आणि ‘हिरोज’ (२००८) यांचा समावेश आहे.
प्रीतीचे आगामी चित्रपट
प्रीती लवकरच ‘लाहोर १९४७’ या राजकुमार संतोषी दिग्दर्शित चित्रपटाद्वारे बॉलीवूडमध्ये पुनरागमन करत आहे. हा चित्रपट प्रीतीच्या करिअरमधील महत्त्वाचा टप्पा मानला जात आहे, कारण ती बऱ्याच काळानंतर मोठ्या पडद्यावर परतत आहे. ‘लाहोर १९४७’ आमिर खान प्रोडक्शन्स अंतर्गत तयार होणारा चित्रपट आहे. या चित्रपटाची अधिकृत घोषणा गेल्या ऑक्टोबरमध्ये करण्यात आली होती आणि याच्या तगड्या कास्टमुळे हा चर्चेत आहे. शबाना आझमी, अली फजल, सनी देओल आणि त्याचा मुलगा करण देओल या चित्रपटात प्रमुख भूमिकेत झळकणार आहेत.
