प्रियांका चोप्रा ही बॉलीवूडमधील आघाडीच्या अभिनेत्रींपैकी एक आहे. आतापर्यंत तिने अनेक उत्तमोत्तम चित्रपटांमध्ये काम केलं. ती तिच्या स्पष्टवक्तेपणामुळेही अनेकदा चर्चेत असते. अनेकदा तिच्या या स्वभाववरून तिला ट्रोलिंगचा सामना करावा लागतो. आता पुन्हा एकदा तिच्यावर टीका केली जात आहे.
प्रियांकाने बॉलीवूडमध्ये अनेक सुपरहिट चित्रपट दिले आहेत. पण अनेक कार्यक्रमांमध्ये, मुळाखातीनमध्ये ती बॉलीवूडशी संबंधित लोकांबद्दल अशी काही विधानं केली आहेत, ज्यामुळे प्रेक्षकांनी संताप व्यक्त केला. तर आता पुन्हा एकदा प्रियांका तिच्या जुन्या वक्तव्यामुळे नेटकऱ्यांचं लक्ष्य झाली आहे.
अलीकडेच, प्रियांका चोप्राचा एक जुना व्हिडीओ समोर आला आहे. व्हिडीओमध्ये ६८ व्या एमी पुरस्कार सोहळ्यादरम्यान प्रियांका एका पत्रकाराशी बोलताना दिसली. त्यावेळी तिने हिंदी चित्रपटांची खिल्ली उडवली. या व्हिडीओत प्रियांका म्हणते की, भारतीय चित्रपट हे हिप्स आणि बुब्सबद्दल असतात. प्रियांकाच्या या व्हिडीओवरून तिला पुन्हा ट्रोल केलं जात आहे. ट्रोलर्स याला प्रियांकाचे लाजिरवाणे कृत्य म्हणत आहेत. या व्हिडीओमध्ये त्याने डान्सच्या काही स्टेप्स दाखवल्या आहेत. प्रियंका म्हणाली की, भारतीय चित्रपट अभिनेत्रींच्या हिप्स आणि बुब्सभोवती फिरतात.
आता तिचा हा जुना व्हिडीओ खूप व्हायरल होत असून तिच्या या वक्तव्याबद्दल सर्वत्र नाराजी व्यक्त करत आहेत. “बॉलीवूडने तिला ओळख दिली आहे आणि ती त्याचबद्दल असं बोलत आहे, असं नेटकरी म्हणू लागले आहेत.
