बॉलिवूडसह हॉलिवूड गाजवणारी अभिनेत्री म्हणून प्रियांका चोप्राला ओळखले जाते. प्रियांका चोप्रा आणि निक जोनस हे काही महिन्यांपूर्वी सरोगसीच्या माध्यमातून आई-बाबा झाले. त्यांनी सोशल मीडियावर याबाबतची गुडन्यूज चाहत्यांना दिली होती. बाळाची गुडन्यूजनंतर सर्वत्र तिच्या बाळाची चर्चा सुरु होती. प्रियांका चोप्राच्या मुलीची एक झलक पाहण्यासाठी सर्वजण फार उत्सुक असल्याचे पाहायला मिळत आहे. आता तिने पुन्हा एक फोटो शेअर केला आहे.
प्रियांका चोप्रा ही सध्या मातृत्वाचा आनंद घेत आहे. सध्या ती तिच्या तिची मुलगी मालती मेरी चोप्रा जोनासबरोबर वेळ घालवताना दिसत आहे. नुकतंच प्रियांकाने तिच्या लेकीचा एक गोंडस फोटो शेअर केला आहे. प्रियांकाने पहाटेच मालतीचा एक फोटो शेअर केला आहे. यात मालती मेरी ही झोपल्याचे दिसत आहे.
आणखी वाचा : “पण माझ्या डोक्यात हवा…” ‘इंडियन आयडल’ विजेता अभिजीत सावंत स्पष्टच बोलला
या फोटोत, मालती मेरी चोप्रा जोनास बेबी स्ट्रॉलरच्या आत एका बाजूला झोपली आहे. यावेळी तिच्या अंगावर पांढऱ्या रंगाचं स्वेटर आणि गुलाबी टोपी पाहायला मिळत आहे. त्याबरोबर तिच्याभोवती शाल गुंडाळल्याचे दिसत आहे. यात प्रियांकाच्या लेकीचा चेहरा हा स्पष्ट दिसत नसला तरी अर्धा दिसत आहे.
यापूर्वी प्रियांकाने तिच्या मुलीच्या चेहरा हृदयाच्या इमोजीने तिचा चेहरा लपवायला होता. तिने तिच्या अनेक फोटोत तिचा चेहरा उघड केला नव्हता. मात्र आता तिने मालतीचा फोटो शेअर करत अर्धा चेहरा उघड केला. पण तिचे डोळे आणि कपाळ मात्र उबदार टोपीने झाकल्याचे पाहायला मिळत आहे.
या फोटोत तिचा चेहरा स्पष्ट दिसत नसल्याने तिचे चाहते नाराज झाले आहेत. प्रियांकावर आणि तिच्या लेकीवर प्रेमाचा वर्षाव होत आहे. या फोटोला तिने फारच हटके कॅप्शन दिले आहे. “मला म्हणायचंय…” असे तिने यात म्हटले आहे.
मालतीने अनेक लोकांनी कमेंट करत या चिमुकलीवर प्रेमाचा वर्षाव केला. “ओह शेवटी…इतकी सुंदर बाळ” अशी कमेंट एका व्यक्तीने केली आहे. तर काहींनी “सुंदर राजकुमारी” “ती खूप सुंदर आहे” असेही म्हटले आहे.
