अभिनेत्री प्रियांका चोप्रा सध्या तिच्या सुखी संसारामध्ये रमली आहे. लग्नानंतर परदेशात स्थायिक झालेली प्रियांका मध्यंतरी पती निक जोनस व मुलगी मालतीसह भारतात आली होती. भारतात आल्यानंतर पहिल्यांदाच तिने लेकीचा चेहरा दाखवला. प्रियांका काही दिवसांसाठी मायदेशी परतली. पण तिला तिच्या चाहत्यांनी भरभरुन प्रेम दिलं. सध्या प्रियांकाच्या हाती हॉलिवूडसह बॉलिवूड चित्रपटही आहेत. प्रियांकाने तिच्या आगामी चित्रपटांबाबत बोलताना मुलीबाबत केलेलं भाष्य सध्या चर्चेचा विषय ठरत आहे.
प्रियांका लेक मालतीला अगदी जीवापाड जपते. कामामधून वेळ काढत मालतीबरोबर ती एण्जॉय करताना दिसते. आता तर लेकीसाठी ती करिअर सोडायलाही तयार आहे. ‘मुव्ही सिटीज’ला दिलेल्या एका मुलाखतीमध्ये तिने याबाबत भाष्य केलं. प्रियांकाने म्हटलं की, “करिअरचा त्याग करणं असो वा देश सोडणं असो मुलीसाठी मी या दोन्ही गोष्टी करण्यास तयार आहे”.
आणखी वाचा – गौरव मोरेला यंदाचा राज्यस्तरीय छत्रपती संभाजी महाराज गौरव पुरस्कार जाहीर, म्हणाला “संभाजी ब्रिगेडचा…”
“हा खूप मोठा त्याग आहे. मुलांसाठी त्याग करणारे आई-वडील मला मिळाले यासाठी मी स्वतःला खूप नशिबवान समजते. पण अजूनही असे काही आई-वडील आहेत जे आपल्या मुलींना सामाजिक दबावामुळे प्रोत्साहन देत नाहीत. मुलांचा सांभाळ करत असताना आई-वडिलांसह घरातील मंडळींनी एकत्र बसून एकमेकांशी संवाद साधला पाहिजे”.
आणखी वाचा – सिद्धार्थ जाधवने दाखवली डॉ.बाबासाहेब आंबेडकर यांच्या लंडनच्या घरातील वस्तूंची झलक, म्हणाला “माझा भीमराया…”
“महिलांचा सन्मान केला पाहिजे ही शिकवणही मुलांना दिली पाहिजे. शिवाय मुलींना स्वतःचा निर्णय स्वतः घेण्यासाठी सक्षम केलं पाहिजे”. प्रियांका तिच्या मुलीचा सांभाळ अगदी योग्य पद्धतीने करत आहे. तसेच मुलीसाठी प्रत्येक गोष्ट करण्यास ती तयार आहे हे तिच्या बोलण्यामधून स्पष्ट होतं.
