अभिनेत्री प्रियांका चोप्रा सध्या तिच्या ‘सिटाडेल’ या सीरिजमुळे चर्चेत आहे. या सीरिजच्या निमित्ताने प्रियांका मुलाखती देत आहे, ज्यामध्ये ती तिच्या वैयक्तिक आयुष्याबद्दल विचारलेल्या प्रश्नांची उत्तरही देताना दिसत आहे. एका मुलाखतीत प्रियांकाने पहिल्यांदा अमेरिकेत गेल्यानंतर नेमकं काय घडल याबद्दलचा अनुभव शेअर केला आहे.
हेही वाचा- ‘किसी का भाई किसी की जान’ने जगभरात पार केला १५० कोटींचा आकडा; भारतात कमावले ‘एवढे’ कोटी
नुकत्याच झालेल्या एका मुलाखतीत प्रियांका चोप्राने तिच्या परदेशातील भीतीदायक अनुभवाबद्दल खुलेपणाने भाष्य केले आहे. प्रियांका म्हणाली जेव्हा ती शिक्षणासाठी पहिल्यांदा अमेरिकेत आली होती. तेव्हा ती खूप घाबरली होती. की जेव्हा ती किशोरवयात होती आणि पहिल्यांदा अमेरिकेत आली होती तेव्हा ती खूप घाबरली होती. सुरुवातीच्या काळात ती खूप भीतीखाली जगत होती. ती इतकी घाबरली होती की ती तिचे दुपारचे जेवण बाथरूममध्येच खात असे.
अमेरिकेत सुरुवातीचे काही आठवडे प्रियांका चोप्रा भीतीखालीच वावरत होती. अमेरिकेत तिला रुळायला खूप वेळ लागला. आत्मविश्वासाची कमी, भीती आणि एकाकीपणामुळे तिला अनेक समस्यांना सामोरे जावे लागले. प्रियांका म्हणाली, , ‘सुरुवातीच्या दिवसांमध्ये मी माझे दुपारचे जेवण बाथरूममध्ये करायचे. कारण मी खूप घाबरले होते. कॅफेटेरियापर्यंत कसे जायचे आणि जेवण कसे घ्यायचे हे मला माहीत नव्हते. मी पटकन जवळच्या स्टॉलमधून जेवण आणायचे आणि बाथरूममध्ये गुपचूप खात असल्याचा धक्कादायक खुलासा प्रियांकाने केला आहे.
बॉलिवूड अभिनेत्री प्रियांका चोप्रा लग्नानंतर अमेरिकेत स्थायिक झाली आणि ती सध्या हॉलिवूडमध्ये काम करत आहे. अचानक तिने तिकडे स्थायिक होण्याचा आणि हॉलिवूडमध्ये काम करण्याचा घेतलेला निर्णय हा अनेकांना धक्का देणारा होता, पण यामागचं कारण मध्यंतरी तिने स्पष्ट केलं होतं. बॉलिवूडमधील एकूण राजकारण, कंपूशाही अशा वेगवेगळ्या गोष्टींना कंटाळल्याने प्रियांकाने हॉलिवूडमध्ये जायचा निर्णय घेतला असं तिने नुकतंच स्पष्ट केलं होतं.
