“…त्यामुळे मी स्वत:ला भाग्यवान समजतो”, निक जोनासने पत्नी प्रियांका चोप्राला दिल्या वाढदिवसाच्या खास शुभेच्छा

‘देसी गर्ल’ म्हणून ओळखल्या जाणाऱ्या प्रियांका चोप्राचा आज ४२ वा वाढदिवस आहे. तिच्या वाढदिवसानिमित्त प्रियांकाचा पती व अमेरिकन गायक निक जोनास याने सोशल मीडियावर एक खास पोस्ट शेअर करीत तिला वाढदिवसानिमित्त शुभेच्छा दिल्या आहेत. निकने इन्स्टाग्राम अकाउंटवर प्रियांकासोबतचे काही फोटो शेअर करीत, “तू स्त्री म्हणून जशी आहेस, त्यामुळे मी स्वत:ला भाग्यवान समजतो. वाढदिवसाच्या खूप शुभेच्छा!” असे लिहीत त्याने प्रेममय शुभेच्छा व्यक्त केल्या आहेत.

आणखी वाचा

“चाळीतून वन रुम किचनमध्ये…”, ‘महाराष्ट्राची हास्यजत्रा’ फेम प्रसाद खांडेकरने बायकोसाठी केली खास पोस्ट; म्हणाला, “तुझ्या साथीने…”

अल्लू अर्जुनच्या अटक प्रकरणावर नाना पाटेकर म्हणाले, “कोणाला…

मंगळ देणार पैसा, प्रेम अन् प्रसिद्धी; नव्या वर्षाच्या सुरूवातीला ‘या’ तीन राशींना मिळणार प्रत्येक कामात यश

“आतापर्यंतची सर्वात कूल गँगस्टर…”, करीना कपूरच्या शर्मिला टागोरांना वाढदिवसाच्या हटके शुभेच्छा; म्हणाली, “माझ्या सासूबाईंना…”

“तुम्ही कायम माझे हिरो”, वडिलांच्या ८५ व्या वाढदिवसानिमित्त मिलिंद गवळींची खास पोस्ट; म्हणाले, “पोलीस खात्यातून Retire…”

Lucky Numerology 2025: ‘या’ तिथीला जन्मलेल्या लोकांचा नववर्षात होणार भाग्योदय, बँक बॅलन्स वाढणार, नोकरीत मिळणार यश

घटस्फोटाच्या खटल्यामुळे जगभर राहिली चर्चेत; प्रसिद्ध अभिनेत्री लग्न न करताच दुसऱ्यांदा होणार आई

नागा चैतन्य-सोभितानंतर आणखी एक अभिनेत्री अडकणार लग्नबंधनात, बॉयफ्रेंडबरोबर पोहोचली गोव्यात; पत्रिका पाहिलीत का?

Priyanaka Chopra चे गाजलेले चित्रपट

१८ जुलै १९८२ ला जमशेदपूरमध्ये प्रियांकाचा जन्म झाला. तिचे वडील कॅप्टन डॉक्टर अशोक चोप्रा आणि आई डॉक्टर मधू चोप्रा यांनी भारतीय सैन्यामध्ये डॉक्टर म्हणून काम केले होते. तिने २००२ मध्ये तमीळ चित्रपट ‘थामिझन’मधून चित्रपटसृष्टीत आणि २००३ मध्ये हीरो : लव्ह स्टोरी ऑफ स्पाय या चित्रपटातून बॉलीवूडमध्ये पदार्पण केले. ‘फॅशन’, ‘बर्फी’, ‘बाजीराव मस्तानी’, ‘ऐतराज’, ‘सात खून माफ’, ‘मेरी कोम’, ‘द स्काय इज पिंक’, ‘कमीने’ अशा एकापेक्षा एक चित्रपटांतील विविध भूमिकांच्या माध्यमातून तिने प्रेक्षकांच्या मनावर राज्य केले आहे. सध्या ही देसी गर्ल हॉलीवूडमध्येदेखील आपला चाहतावर्ग निर्माण करीत असल्याचे पाहायला मिळत आहे.

हेही वाचा: प्रभासच्या Kalki 2898AD चित्रपटाने शाहरुख खानच्या ‘पठाण’ला टाकले मागे, पण…

प्रियांकाचा पती निक जोनास हा अमेरिक गायक असून, तो अभिनय क्षेत्रातदेखील काम करताना दिसतो. डिसेंबर २०१८ ला या जोडीने लग्नगाठ बांधली. या दोघांच्या वयात १० वर्षांचे अंतर असून, प्रियांका चोप्रा निकपेक्षा वयाने मोठी असल्याने त्यांच्या लग्नासंबंधी चर्चा रंगल्या होत्या. या जोडप्याला दोन वर्षांची मुलगी असून, तिचे नाव मालती, असे आहे.

दरम्यान, प्रियांका आणि निक जोनास यांनी नुकतीच अनंत अंबानी आणि राधिका मर्चंट यांच्या लग्नाला हजेरी लावली होती. त्या वेळचे अनेक फोटो आणि व्हिडीओ सोशल मीडियावर व्हायरल झाले होते. प्रियांका चोप्राच्या कामाबद्दल बोलायचे, तर ती लवकरच हॉलीवूड चित्रपट ‘द ब्लफ’मधून प्रेक्षकांच्या भेटीला येणार आहे. त्याबरोबरच फरहान अख्तरच्या ‘जी ले जरा’ चित्रपटात आलिया भट्ट व कतरिना कैफ यांच्यासोबत अभिनय करताना दिसणार आहे.