शाहरुख खानच्या बहुप्रतीक्षित ‘जवान’ चित्रपटाची तारीख निर्मात्यांनी ढकलली पुढे, समोर आले मोठे कारण

शाहरुखने ‘जवान’ची घोषणा करताच सर्वांचे लक्ष या चित्रपटाकडे लागले. यातील त्याच्या फर्स्ट लूकचीही प्रेक्षकांनी प्रशंसा केली. गेले अनेक दिवस शाहरुख खान त्याच्या ‘जवान’ या आगामी चित्रपटाच्या शूटिंगमध्ये व्यग्र होता. हा चित्रपट २ जून रोजी प्रेक्षकांच्या भेटीला येणार असल्याची अधिकृत घोषणाही करण्यात आली होती. मात्र आता निर्मात्यांनी या चित्रपटाच्या प्रदर्शनाची तारीख पुढे ढकलली आहे.

आणखी वाचा

“मन दुखावले, जिव्हारी लागले…” आमदार संजय राठोड असे का म्हणाले?

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

बांगलादेशातील हिंदूंच्या रक्षणासाठी मुंब्र्यातील मुस्लीम रस्त्यावर

आता समुदाय आरोग्य अधिकाऱ्यांच्याही बदल्या होणार

उच्च व्याजदर केवळ विकासदर मंदावण्याचे कारण नव्हे – दास

मोदी-अदाणीविरोधात काँग्रेस आक्रमक; राहुल गांधींच्या अनोख्य आंदोलनाने वेधले लक्ष

लोकमानस : सत्यकथनासाठी निवृत्तीचा मुहूर्त

ऐश्वर्या राय-अभिषेक बच्चन दुसऱ्यांदा आई-बाबा होणार? रितेश देशमुखच्या ‘त्या’ प्रश्नावर अभिनेता म्हणाला…

आणखी वाचा : Video: ‘पठाण’पेक्षाही जबरदस्त व्हीएफएक्स अन्…; प्रदर्शनाच्या काही तास आधीच ‘जवान’ चित्रपटाच्या टीझरमधील क्लिप लिक

या चित्रपटाचा एक धमाकेदार टीझर प्रदर्शित करून या चित्रपटाच्या प्रदर्शनाच्या तारखेची घोषणा गेल्या वर्षी करण्यात आली होती. आता या चित्रपटाच्या प्रदर्शनाला एक महिनाच बाकी होता. परंतु अजूनही या चित्रपटाचा ट्रेलर प्रदर्शित झाला नाही, याचबरोबर या चित्रपटाच्या प्रमोशनला देखील सुरुवात करण्यात आली नाही. हे न करण्यामागचे मुख्य कारण म्हणजे या चित्रपटाच्या प्रदर्शनाची तारीख निर्मात्यांनी बदलण्याचा निर्णय घेतला आहे. या चित्रपटाच्या व्हीएफएक्सचं काम अजून शिल्लक आहे आणि ते पूर्ण करण्यासाठी या चित्रपटाच्या टीमला आणखी कालावधी हवा आहे. मीडिया रिपोर्टनुसार, आता हा चित्रपट जूनऐवजी ऑगस्ट महिन्यात प्रदर्शित होईल असे बोलले जात आहे. त्यामुळे शाहरुख खानला या चित्रपटात पाहण्यासाठी त्याच्या चाहत्यांना आणखी थोडी प्रतीक्षा करावी लागणार आहे.

हेही वाचा : शाहरुख खानच्या ‘जवान’ने रचला नवा विक्रम, प्रदर्शनाआधीच चित्रपटाने कमावले ‘इतके’ कोटी

या चित्रपटात शाहरुख खानबरोबर दाक्षिणात्य अभिनेत्री नयनतारासह अभिनेता विजय सेतुपतीदेखील दिसणार आहे. तर या चित्रपटात दीपिका पदुकोण कॅमिओ करताना दिसणार असल्याचेही बोलले जात आहे.