“जणू ३ मृतदेहच…” पेट्रोल पंपावर २००० रुपयांच्या नोटा खर्च करणाऱ्या आर. माधवनची ‘ती’ पोस्ट चर्चेत

अभिनेता आर माधवन यानेही नुकतंच या संदर्भात एक स्टोरी सोशल मीडियावर शेअर केली आहे. आर माधवन हा बऱ्याचदा अशा मुद्द्यांवर भाष्य करतो आणि स्वतःचं मत मांडतो. यंदाही त्याने अशीच एक गोष्ट काहीशा गंमतीशीर पद्धतीने शेअर केली आहे.

आणखी वाचा : “हा फॅशन शो नाही…” विवेक अग्निहोत्री यांनी ‘Cannes Festival’मध्ये हजेरी लावणाऱ्या बॉलिवूड सेलिब्रिटीजची केली कानउघडणी

या स्टोरीमध्ये माधवनने नुकतंच आपल्या गाडीत डिझेल भरलं असून त्यासाठी २००० रुपयांच्या नोटा दिल्याचं स्पष्ट केलं आहे. याबद्दल लिहिताना मात्र माधवन लिहितो, “६००० रुपयांचं डिझेल भरलं आणि पेट्रोल पंपावर २००० च्या तीन नोटा दिल्या. हे पैसे देताना शप्पथ अशी भावना मनात आली की जणू ३ मृतदेहांचीच विल्हेवाट लावत आहे.”

हसणाऱ्या इमोजी शेअर करत माधवनने ही स्टोरी त्याच्या इंस्टाग्राम अकाऊंटला शेअर केली आहे. सोशल मीडियावर बरीच मंडळी याबद्दल व्यक्त होत आहेत, तर काही लोक या नोटाबंदीची तुलना आधीच्या नोटाबंदीशी करत आहेत. सध्यातरी सगळ्यांनाच त्यांच्याजवळ असलेल्या २००० रुपयांच्या नोटांची चिंता आहे, या नोटा २३ मे पासून बँकांमध्ये बदलता येणार आहेत.