Aadar Jain-Alekha Advani Wedding : करीना, करिश्मा आणि रणबीर कपूरचा चुलत भाऊ आदर जैन लवकरच बोहल्यावर चढणार आहे. आदर अलेखा आडवाणीबरोबर लग्नबंधनात अडकणार आहे. त्यामुळे सध्या आदरच्या लग्नाची धामधूम कपूर कुटुंबात पाहायला मिळत आहे. १९ फेब्रुवारीला आदर व अलेखाचा मेहंदी सोहळा पार पडला. यावेळी कपूर कुटुंबाने भन्नाट डान्स केला. करीना, करिश्मा, रणबीर, आलियासह सर्व कुटुंबातील सदस्य बॉलीवूड आणि पंजाबी गाण्यावर थिरकताना दिसले. याचे व्हिडीओ सोशल मीडियावर व्हायरल झाले आहेत. पण, रणबीर कपूरच्या ( Ranbir Kapoor ) जबरदस्त डान्स व्हिडीओने सगळ्यांचं लक्ष वेधून घेतलं आहे.
आदर जैन व अलेखा आडवाणीच्या मेहंदी सोहळ्याला रणबीर कपूरने आलिया भट्टसह हजेरी लावली होती. त्यानंतर रणबीर आलिया आणि बहिणींसह नाचताना दिसला. आदरच्या मेहंदी सोहळ्यात रणबीरने खास ऐश्वर्या राय-बच्चनच्या गाण्यावर डान्स केला. रणबीरचा हा डान्स व्हिडीओ सोशल मीडियावर खूप व्हायरल झाला आहे.
या व्हिडीओमध्ये रणबीर कपूर ऐश्वर्या राय-बच्चनच्या ‘कजारे’ गाण्यावर डान्स करताना दिसत आहे. यामध्ये भाऊ आदर जैन आणि मावशी रीमा जैन यांच्याबरोबर रणबीर नाचताना पाहायला मिळत आहे. रणबीरचा हा जबरदस्त अंदाज पाहून चाहत्यांच्या भरभरून प्रतिक्रिया उमटल्या आहेत.
दरम्यान, आदरने अलेखाला हटके अंदाजात प्रपोज केलं होता. गेल्या वर्षी नोव्हेंबरमध्ये दोघांचा रोका कार्यक्रम झाला होता. या कार्यक्रमाला बॉलीवूडच्या अनेक सेलिब्रिटींनी हजेरी लावली होती. त्यानंतर आदर आणि अलेखाचं ख्रिश्चिन पद्धतीने लग्न झालं. यावेळीदेखील मेहंदीपासून ते हळदीपर्यंतचे कार्यक्रम झाले होते. त्यानंतर आता दोघं हिंदू रिती-रिवाजानुसार लग्नगाठ बांधणार आहे.
शशी कपूर यांच्याशी आदर जैनचं नातं काय?
आदर रीमा जैन यांचा मुलगा आहे. रीमा या शशी कपूरच्या यांच्या बहीण आहेत. त्यामुळे शशी कपूर आदरचे मामा लागतात. म्हणून करीना, करिश्मा, रणबीर कपूर हे आदरचे भाऊ आहेत.
© IE Online Media Services (P) Ltd