Alia Bhatt And Raha Kapoor : आलिया भट्ट व रणबीर कपूर यांच्या गोंडस लेकीची सोशल मीडियावर चांगलीच चर्चा सुरू असते. नोव्हेंबर २०२२ मध्ये अभिनेत्रीने राहा कपूरला जन्म दिला. लेकीच्या जन्मानंतर साधारण वर्षभराने आलियाने तिचा चेहरा माध्यमांसमोर रिव्हिल केला. ख्रिसमसच्या दिवशी आलिया, रणबीर आणि चिमुकली राहा यांनी एकत्र मिळून कॅमेऱ्यासमोर पोज दिल्या होत्या.
राहाचा चेहरा माध्यमांसमोर रिव्हिल केल्यावर इंटरनेटवर सर्वत्र आलिया-रणबीरची चिमुकली राजकुमारी व्हायरल झाली होती. नेटकऱ्यांनी राहा नेमकी कोणासारखी दिसते याचा अंदाज वर्तवण्यास सुरुवात केली होती. रिद्धिमा कपूर- साहनी, करीना कपूर, नीतू कपूर यांच्या मते राहा तिच्या आईसारखी आणि काही अंशी तिचे आजोबा व दिवंगत अभिनेते ऋषी कपूर यांच्यासारखी दिसते. मात्र, काही असलं तरी, राहाचा गोड अंदाज सोशल मीडियावर नेहमीच चर्चेचा विषय ठरतो.
हेही वाचा : Bigg Boss Marathi : जान्हवी किल्लेकरला भाऊच्या धक्क्यावर नो एन्ट्री! शिक्षेची आठवण करून देत रितेश देशमुख म्हणाला…
पापाराझींना पाहताच आलिया भट्टने केलं असं काही…
बॉलीवूडची स्टार अभिनेत्री आलिया भट्ट नुकतीच राहासह ( Raha Kapoor ) काश्मीरहून परतली. अभिनेत्री सध्या ‘अल्फा’ चित्रपटाच्या शूटिंगमध्ये व्यग्र आहे. आलिया लेकीसह रविवारी ( १ सप्टेंबर ) मुंबईच्या प्रायव्हेट विमानतळावर दिसली. यावेळी राहा आईच्या कडेवर झोपली होती. एअरपोर्टवर पापाराझींना पाहताच आलियाने राहा झोपलीये असा इशारा करत सर्वांना प्लीज शांत राहा आणि आवाज करू नका असं खुणावलं. यावेळी आलियाने फुल स्लीव्हज असलेला काळ्या रंगाचा टॉप घातला होता. तर, पांढऱ्या रंगाच्या फ्रॉकमध्ये राहा खूपच क्यूट दिसत होती. ती गाढ झोपेत असल्याने आलिया विमानतळावर लाडक्या लेकीची खूप काळजी घेताना दिसली.
राहा कपूरची ( Raha Kapoor ) सोशल मीडियावर प्रचंड क्रेझ आहे. कपूर घराण्यात ती सर्वांचीच लाडकी आहे. याशिवाय आलियाच्या ‘अल्फा’ चित्रपटाबद्दल सांगायचं झालं तर, ‘YRF स्पाय युनिव्हर्स’मध्ये आलिया भट्टसह ‘मुंज्या’ फेम शर्वरीची एन्ट्री झाली आहे. यापूर्वीच्या ‘YRF स्पाय युनिव्हर्स’मधील चित्रपटांमध्ये ‘पठाण’ आणि ‘टायगर’ने एकमेकांच्या चित्रपटात कॅमिओ केले होते. त्यामुळे आलियाच्या ‘अल्फा’ चित्रपटात दोन सुपरस्टार कॅमिओ म्हणून एन्ट्री घेणार की नाही हे पाहणं देखील उत्सुकेचं ठरेल.
