Janhvi kapoor: अभिनेत्री जान्हवी कपूर सध्या तिच्या ‘उलझ’ चित्रपटामुळे चर्चेत आहे. काही दिवसांपासून या चित्रपटाची सोशल मीडियावर खूपच चर्चा सुरू आहे. आता या चित्रपटातील जान्हवी (Janhvi kapoor)चे सहकलाकार व प्रसिद्ध अभिनेते राजेश तैलंग यांनी तिच्याबद्दल मोठे वक्तव्य केले आहे.

अभिनेते राजेश तैलंग हे ‘उलझ’ चित्रपटात भूमिका करताना दिसणार आहेत. जान्हवी कपूर सोबत काम केल्यानंतर तिच्यामध्ये श्रीदेवीची झलक दिसत असल्याचे वक्तव्य त्यांनी केले आहे. जान्हवीचे कौतुक करताना त्यांनी म्हटलेय, “जान्हवी सहज अभिनय करणारी आणि जमिनीवर पाय असणारी अभिनेत्री आहे. आम्ही सगळे तिच्या आईचे चाहते होतो. तिच्यात तुम्हाला श्रीदेवीची झलक पाहायला मिळेल.” पुढे ते म्हणतात, “उलझ चित्रपटामधील माझे सर्वच सहकारी प्रामाणिक आणि परिश्रम घेणारे आहेत. त्यांनी उत्तम काम केले आहे. त्यांच्या वयाचा असताना मी इतके चांगले काम करू शकत होतो, त्यांच्यासारखा उत्तम अभिनय करत होतो, असे मला वाटत नाही.”

आणखी वाचा
Director Called Me Daughter and Raped said Actress
Kerala Actress : “दिग्दर्शक मला म्हणायचा तू मुलीसारखी आहेस, त्याने वर्षभर बलात्कार केला आणि..”, अभिनेत्रीची आपबिती
Who is Jaydeep Apte in Marathi
Jaydeep Apte : जयदीप आपटेला पोलिसांनी हाक मारली, रडत गयावया करु लागला आणि म्हणाला; “मला…”
Renukaswamy murder case photo
Pavithra Gowda: ‘खून होण्याआधी तो हात जोडून…’, अभिनेता दर्शनच्या अत्याचारामुळे मृत चाहत्याचे पालक हादरले
bombay hc refuses to direct cbfc to release certification copy to kangana ranaut emergency
Emergency Movie : कंगनाच्या ‘इमर्जन्सी’ चित्रपटाचे प्रदर्शन लांबणीवर; प्रमाणपत्र देण्याचे आदेश देण्यास उच्च न्यायालयाचा नकार
marathi actress suhasini Deshpande
व्यक्तिवेध: सुहासिनी देशपांडे
shraddha kapoor new house set become akshay kumar neighbour in juhu on rent
कोट्यवधींची मालकीण असून श्रद्धा कपूर राहणार भाड्याने; जुहूमध्ये ‘या’ प्रसिद्ध अभिनेत्याच्या शेजारी घेणार फ्लॅट
actress kangana ranaut praises indira gandhi during promotion of upcoming hindi film emergency
इंदिरा गांधींच्या आयुष्यातून खूप काही शिकण्यासारखं! अभिनेत्री दिग्दर्शक कंगना राणावतचे मत
What does the Hema committee report say about the casting couch in Malayalam cinema
मल्याळी चित्रपटसृष्टीतही ‘कास्टिंग काऊच’? काय सांगतो न्या. हेमा समिती अहवाल?

हेही वाचा: अभिषेक बच्चनच्या ‘त्या’ कृतीने ऐश्वर्या रायबरोबरच्या घटस्फोटांच्या चर्चांना पुन्हा उधाण

Janhvi kapoorचे चित्रपट

सुधांशु सारिया दिग्दर्शित ‘उलझ’ चित्रपटाची सध्या खूपच चर्चा सुरू आहे. काही दिवसांपूर्वीच या चित्रपटाचा ट्रेलर प्रदर्शित झाला असून, प्रेक्षकांना तो आवडला असल्याचे म्हटले जात आहे. दरम्यान, जान्हवी कपूरने २०१८ मध्ये ‘धडक’ चित्रपटातून बॉलीवूडमध्ये पदार्पण केले होते. या चित्रपटात जान्हवीबरोबर इशान खट्टर मुख्य भूमिकेत दिसला होता. त्यानंतर जान्हवीने २०२० मध्ये ‘गुंजन सक्सेना’, २०२१ मध्ये ‘रुही’, २०२२ मध्ये ‘गुड लक जेरी’, २०२३ मध्ये ‘बवाल’ या चित्रपटांत अभिनय करीत आपली वेगळी जागा निर्माण केली आहे. २०२४ मध्ये ‘मिस्टर आणि मिसेस माही’ व ‘उलझ’ या चित्रपटांत ती दिसणार आहे. दरम्यान, राजेश तैलंग यांनी अनेक चित्रपटांत काम केले आहे. अभिनेता असण्याबरोबरच ते एक लेखकदेखील आहेत.

दिवगंत अभिनेत्री श्रीदेवी एक लोकप्रिय अभिनेत्री होती. तिचा चाहतावर्गही मोठा होता. मात्र, २४ फेब्रुवारी २०१८ ला अभिनेत्रीचे अचानक निधन झाल्याने हळहळ व्यक्त केली जात होती. तिच्या निधनाने बॉलीवूडने एक उत्तम अभिनेत्री गमावल्याचे म्हटले जात होते. जान्हवी ही श्रीदेवी आणि बोनी कपूर यांची मोठी मुलगी असून, सध्या ती बॉलीवूडमध्ये आपला जम बसवताना दिसत आहेत. खुशी कपूर ही त्यांची धाकटी लेक आहे.आता जान्हवीचा ‘उलझ’ चित्रपट प्रेक्षकांना भुरळ घालत बॉक्स ऑफिसवर कमाल करणार का? हे पाहणे महत्त्वाचे ठरणार आहे.