बॉलिवूडची ड्रामा क्वीन राखी सावंत गेले अनेक दिवस तिच्या लग्नामुळे चर्चेत आहे. गेल्या वर्षीच राखीने तिचा बॉयफ्रेंड आदिल खानबरोबर लग्न केल्याचा खुलासा काही दिवसांपूर्वीच केला. तर आता सोशल मीडियावर सक्रिय राहून ती तिचे काही ना काही व्हिडिओ पोस्ट करत आहे. काल अभिनेता सुशांत सिंह राजपूत याचा जन्मदिन होता. त्यानिमित्त राखीने आज तिचा एक व्हिडीओ पोस्ट करत त्याला जन्मदिनाच्या शुभेच्छा दिल्या. पण या व्हिडीओमुळे तिला ट्रोलिंगचा इतका सामना करावा लागला की अखेर तिने तो व्हिडीओ काही वेळातच डिलीट केला.
राखी सोशल मीडियावर चांगलीच सक्रिय असते. आदिलबरोबर ती तिचे अनेक व्हिडीओ आणि फोटो शेअर करत असते. त्याचबरोबर हॉस्पिटलमध्ये असलेल्या तिच्या आईच्या प्रकृतीची माहितीही ती सोशल मीडियावरून शेअर करत आहे. काल झालेल्या सुशांत सिंह राजपूतच्या जन्मदिनानिमित्त तिने आज त्याला व्हिडीओमार्फत शुभेच्छा दिल्या.
आणखी वाचा : वयाच्या ४४ व्या वर्षी राखी सावंत गरोदर? प्रतिक्रिया देत अभिनेत्री म्हणाली…
आज राखीने तिचा एक व्हिडीओ पोस्ट केला. यावेळी ती झोपाळ्यावर बसून सुशांत सिंह राजपूतच्या जन्मदिनानिमित्त ‘हॅपी बर्थडे टू यू’ हे गाणं गाताना दिसत होती. त्यानंतर “देवाचे आशीर्वाद तुला कायम लाभत राहोत. आम्हा सगळ्यांना तू खूप आठवण येत आहे,” असं तिने म्हटलं. तर या व्हिडीओत तिने सुशांतच्या ऐवजी त्याचं नाव शुशांत असं उच्चारलं. त्यामुळे नेटकऱ्यांनी तिची चांगलीच शाळा घेतली.
हेही वाचा : राखी सावंतला दुसऱ्याबरोबर रोमान्स करताना पाहून भडकला आदिल खान, प्रकरण गेले मारामारीपर्यंत
या व्हिडीओवर कमेंट ही एकाने लिहिलं, “त्याचा जन्मदिन आज नाही, काल होता.” तर दुसरा नेटकरी म्हणाला, “त्याचं नाव सुशांत आहे. शुशांत नाही.” आणखी एक नेटकरी म्हणाला, “कोणीतरी हिला थांबवा…” त्यामुळे राखीने शेअर केलेला हा व्हिडीओ चांगलाच चर्चेत आला होता. पण अनेक नकारात्मक प्रतिक्रियांमुळे तिने हा व्हिडीओ लगेचच डिलीट केला.
