अभिनेत्री राखी सावंतचा पती आदिल खान दुर्रानीला पोलिसांनी अटक केली आहे. आदिल खानला ओशिवरा पोलिसांनी अटक केली आहे. त्याच्या अटकेमागचं कारण अद्याप समोर आलेलं नाही. पण, राखी आणि आदिलमध्ये गेले काही दिवस सातत्याने वाद सुरू आहेत. त्यातूनच आदिलला पोलिसांनी अटक केली असू शकते, असं म्हटलं जातंय. राखीने आदिलचे अफेअर असल्याचंही म्हटलं होतं. त्यामुळे विवाहबाह्य संबंधातून आदिलला अटक झाली असावी, असं मीडिया रिपोर्ट्समध्ये म्हटलं आहे.
Video: आदिल खान गुन्हेगार? राखी सावंतनेच केला पतीबद्दल गौप्यस्फोट; म्हणाली, “म्हैसूर पोलीस…”
‘इन्संट बॉलिवूड’ने एक व्हिडीओ शेअर केला आहे. त्यात तो पोलीस स्टेशनबाहेर दिसतोय. तो व्हिडीओ शेअर करत त्यांनी आदिल खानला ओशिवरा पोलिसांनी अटक केल्याचं वृत्त दिलं आहे. दरम्यान, काल राखी पोलीस स्टेशनबाहेर दिसली होती, पण तिने कारण सांगितलं नव्हतं. त्यामुळे तिच्या तक्रारीनुसार आदिलला अटक केली गेली असावी, अशाही चर्चा आहेत.
राखी आणि आदिल खानमध्ये गेले काही दिवस वाद सुरू आहेत. अशातच त्याच्या अटकेची बातमी समोर आली आहे, पण अटकेचं नेमकं कारण अद्याप कळू शकलेलं नाही.
