आदिल खानसह राखी सावंतने केलेलं बाळाचं प्लॅनिंग; पतीच्या अटकेनंतर अभिनेत्रीचा मोठा खुलासा, म्हणाली…

आदिलला अटक झाल्यानंतर राखीचा आणखी एक व्हिडीओ समोर आला आहे. या व्हिडीओमध्ये राखीने आदिलबरोबर केलेल्या कौटुंबिक प्लॅनिंगबाबत खुलासा केला आहे. आदिलच्या अटकेनंतर राखीने प्रसारमाध्यमांना प्रतिक्रिया दिली आहे. इन्स्टंट बॉलिवूड या पेजवरुन राखीचा एक व्हिडीओ शेअर करण्यात आला आहे. “मी व आदिल मूल होण्यासाठी प्लॅनिंग करत होतो” असा खुलासा राखीने व्हिडीओत केला आहे. या व्हिडीओत राखीने आदिलवर मारहाण केल्याचं गंभीर आरोपही केले आहेत. “गर्लफ्रेंडच्या प्रेमात आदिल वेडा झाला आहे.त्याने मला २८, ३० आणि ३१ तारखेलाही मारहाण केली आहे. कूपर रुग्णालयात मी उपचार घेण्यासाठीही गेले होते”, असं राखी म्हणाली आहे.

हेही वाचा>> शिव ठाकरेसाठी महेश मांजरेकरांची खास पोस्ट, ‘बिग बॉस’ स्टारचा फोटो शेअर करत म्हणाले…

राखी व आदिलने मे २०२२मध्ये कोर्ट मॅरेज केलं होतं. त्यानंतर त्यांनी निकाहही केला होता. ‘बिग बॉस’च्या घरातून बाहेर येताच राखीने लग्नाबाबत खुलासा केला होता. परंतु, सुरुवातीला आदिलने राखीबरोबर लग्न केल्याचं मान्य केलं नव्हतं. अनेक दिवस ड्रामा केल्यानंतर राखीशी विवाह केल्याचं आदिलने सांगितलं होतं. त्यानंतर काही दिवसांनी राखीच्या आईचं निधन झालं. तेव्हाही आदिल गर्लफ्रेंडबरोबर असल्याचा खुलासा राखीने केला होता. आईच्या मृत्यूलाही राखीने आदिलला जबाबदार ठरवलं आहे.

हेही पाहा>>Photos: अटक झालेला राखी सावंतचा पती तिच्यापेक्षा १७ वर्षांनी लहान, जाणून घ्या आदिल खानची एकूण संपत्ती

राखीने आदिलवर मारहाण करण्याबरोबरच फसवणुकीचे आरोपही केले आहेत. आदिलने प्रसिद्धी मिळवण्यासाठी उपयोग केल्याचं राखी म्हणाली होती. याशिवाय पैसे घेतल्याचा आरोपही राखीने केला होता.