“मी पाकिस्तानची होणारी सून…”, राखी सावंतने उडवली डोडी खानची खिल्ली, मॅचदरम्यान घातलेली अजब जर्सी, व्हिडीओ व्हायरल

राखी सावंत हा सामना सुरू असताना सुरुवातीला, “मी भारताची मुलगी आणि पाकिस्तानची होणारी सून” असं म्हणत दोन्ही संघांना पाठिंबा देत होती. तिने या सामन्यादरम्यान दोन्ही संघांना पाठिंबा दर्शवणारी अजब जर्सी घातली होती. या व्हिडीओमध्ये राखी दोन-तीन वेळा “मी पाकिस्तानची भावी सून आहे” असं म्हणताना दिसतेय.

राखी आणखी एका व्हिडीओमध्ये डोडी खानला म्हणाली, “कोहली मार रहा है तुम लोगों को गोली…” यावर तो म्हणाला, “अभी वही गोली हम उसको देंगे। आउट होगा वो.” यानंतर कोहलीचं शानदार शतक होतं आणि भारतीय संघ हा सामना जिंकतो.

टीम इंडिया जिंकल्यानंतर राखी सावंतने डोडी खानची चांगलीच खिल्ली उडवल्याचं पाहायला मिळत आहे. ती म्हणते, “कोहली ने धोया है, तुम्ही नाराज आहात का?” यावर डोडी खान म्हणतो, “भारतीय संघ खूप चांगला खेळलाय. आम्हाला आनंद आहे आणि कोहलीजी तुम्हाला सलाम” राखी या व्हिडीओमध्ये विराटच्या शतकाचं श्रेय त्याची पत्नी अनुष्का शर्माला देत होती.

राखीचे हे भारत-पाकिस्तान सामन्यादरम्यानचे व्हिडीओ सध्या सोशल मीडियावर व्हायरल होत आहे. हे व्हिडीओ पाहून आणि विशेषत: राखीची जर्सी पाहून नेटकऱ्यांनी तिला कमेंट्समध्ये ट्रोल केलं आहे.

दरम्यान, भारत विरुद्ध पाकिस्तान सामन्याबद्दल सांगायचं झालं, तर विराट कोहलीच्या शतकाच्या जोरावर भारताने पाकिस्तानविरूद्ध ६ विकेट्सने मोठा विजय मिळवला आहे. भारताने पाकिस्तानला पराभूत केल्यानं त्यांचं चॅम्पियन्स ट्रॉफी २०२५ मधील आव्हान संपुष्टात आलं आहे.