ड्रामा क्वीन राखी सावंतचा एक व्हिडीओ व्हायरल होत आहे. या व्हिडीओमध्ये राखी अनवाणी पायांनी चालताना दिसत आहे. तिला अनवाणी पायाने चालण्याचं कारण विचारलं असता तिने भन्नाट उत्तर दिलं. आपला नवस असून तो नवस पूर्ण होत नाही, तोपर्यंत अनवाणी पायानेच फिरणार असल्याचं तिने म्हटलं आहे.
“मी सलमान खानसाठी नवस मानला आहे. मी श्रीलंका व दुबईहून चप्पल न घालता आले आहे. जोपर्यंत सलमान खानचं लग्न होत नाही, तोपर्यंत मी पायात चप्पल घालणार नाही. सलमान खान माझा भाऊ आहे. सलमान भाऊ लग्न कर, माझ्या पायाची सालटं निघाली आहेत. सलमान खान लग्न करा आणि मुलं होऊ द्या. या देशाला तुमची मुलं हवी आहेत,” असं राखी सावंत व्हायरल व्हिडीओमध्ये म्हणत आहे.
दरम्यान, राखी सावंत गेले काही महिने तिच्या वैयक्तिक आयुष्यामुळे चर्चेत राहिली. आदिल खान दुर्रानीशी तिने लग्न केलं आणि त्यानंतर अवघ्या काही महिन्यातच तिचा घटस्फोट झाला. काही दिवसांपूर्वीच तिने घटस्फोटाची माहिती दिली.
