१३५० कोटींची संपत्ती, खासगी जेट, आलिशान गाड्या अन्…; ‘हा’ आहे भारतातील सर्वात श्रीमंत ‘स्टार किड’

मेगास्टार चिरंजीवींचा मुलगा राम चरण हा भारतातील सर्वात श्रीमंत ‘स्टार किड’ आहे. मीडिया रिपोर्ट्सनुसार, राम चरणची एकूण संपत्ती सुमारे १३५० कोटी रुपयांची आहे. अभिनयासोबतच राम चरणची प्रॉडक्शन कंपनी आहे. त्याने अनेक व्यवसायांमध्ये गुंतवणूक केली आहे. त्याच्या वडिलांची म्हणजेच अभिनेते चिरंजीवी यांची संपत्ती जवळपास १६५० कोटी रुपये आहे. राम चरणजवळ खासगी जेट आणि परदेशातून इम्पोर्ट केलेल्या किमान अर्धा डझन आयात केलेल्या आलिशान कार आहेत.

कपूर, खान किंवा बच्चन नाही तर ‘हे’ आहे भारतातील सर्वात श्रीमंत सेलिब्रिटी कुटुंब, एकूण संपत्ती तब्बल ६००० कोटी रुपये

‘डीएनए’च्या वृत्तानुसार, इतर अनेक कलाकार आहेत, ज्यांची संपत्ती रामचरण इतकी नसली तरी ते कोट्यधीश आहेत. यामध्ये मोठ्या प्रमाणात बॉलीवूड कलाकार आहेत. या यादीत ७५० कोटी रुपयांच्या संपत्तीसह हृतिक रोशन दुसऱ्या क्रमांकावर आहे. आलिया भट्ट ५२० कोटींच्या संपत्तीसह तिसऱ्या क्रमांकावर आहे. नंतर करीना कपूर ४८५ कोटी, ज्युनियर एनटीआर ४५०, आलियाचा पती रणबीर कपूर ३६५ कोटी यांचा नंबर लागतो. त्या पाठोपाठ अभिषेक बच्चन १७० कोटी आणि प्रभास २४० कोटी रुपयांच्या संपत्तीचे मालक आहेत.