रणबीर कपूर म्हणजे ‘या’ तीन सर्वोत्तम अभिनेत्यांचं योग्य मिश्रण; दिग्दर्शक संदीप रेड्डी वांगा यांचं विधान चर्चेत

नुकताच या चित्रपटाचा ट्रेलर प्रदर्शित झाला असून सोशल मीडियावर या ट्रेलरची जबरदस्त चर्चा आहे. रणबीरचा आत्तापर्यंतचा सर्वात जबरदस्त आणि हिंस्र अवतार लोकांना प्रचंड आवडला आहे. नुकतंच या ट्रेलर लॉंचदरम्यान या चित्रपटाचे दिग्दर्शक संदीप रेड्डी वांगा यांनी रणबीरचं तोंडभरून कौतुक केलं आहे. जगातील सर्वोत्तम ३ अभिनेत्यांचं मिश्रण म्हणजे रणबीर कपूर असं वक्तव्य त्यांनी केलं आहे.

आणखी वाचा

AR Rahman Divorce : २९ वर्षांचा संसार मोडला; ए आर रेहमान व सायरा बानु होणार विभक्त, जारी केलं निवेदन

२०२५ साठी शाहरुख खानची मोठी घोषणा! आर्यन करणार…

शाहरुख फक्त ‘या’ एकाच ठिकाणी रडतो; स्वत: केला खुलासा, म्हणाला, “जेव्हा तुम्ही अपयशी होता…”

सोनाक्षी सिन्हा तुमच्यासारखी दिसते; असं विचारल्यावर शत्रुघ्न सिन्हांची एक्स गर्लफ्रेंड रीना रॉय म्हणालेल्या…

ट्विंकल खन्ना निर्मात्यांसमोरच चित्रपटाला ‘बकवास’ म्हणाली अन्…; अक्षय कुमारने सांगितला पत्नीचा किस्सा

झीनत अमान यांच्या प्रेमात बुडालेल्या देव आनंद यांनी राज कपूर यांना अभिनेत्रीला किस करताना पाहिले अन्…

सुपरस्टार वडिलांइतकं ‘या’ अभिनेत्याला मिळालं नाही यश, २३ वर्षांच्या फिल्मी करिअरमध्ये दिले १९ फ्लॉप चित्रपट

लेक-जावयासाठी परिणीती चोप्राच्या आईने रेखाटलं सुंदर चित्र, राघव चड्ढा सासूबाईंना म्हणाले…

“खूप झालंय आता, मला…”; घटस्फोटाच्या चर्चांदरम्यान अभिषेक बच्चन असं का म्हणाला?

आणखी वाचा : Animal Trailer: वडील-मुलाचं एक विचित्र नातं अन् रक्तपात; रणबीर कपूरच्या बहुचर्चित ‘अ‍ॅनिमल’चा ट्रेलर प्रदर्शित

रणबीरबरोबर काम करतानाचा अनुभव आणि एकूणच त्यातील कलागुण याविषयी बोलताना संदीप म्हणाले, “रणबीर हा एक उत्कृष्ट अभिनेता आहे, सगळ्यांपेक्षा हटके आहे. मला असं वाटतं की बऱ्याच महान अभिनेत्यांचं तो एक मिश्रण आहे. खरंतर त्यांच्याशी तुलना करणं योग्य नाही, पण मला असं वाटतं की रणबीर हा रॉबर्ट डी नीरो, अल पचीनो आणि कमल हासन या तीन उत्कृष्ट अभिनेत्यांचं योग्य मिश्रण आहे. रणबीरच्या अभिनयाला कसल्याही मर्यादा नाहीत.”

चित्रपटातील पात्राप्रमाणे तो अजिबात नाही, त्याला राग येत नाही, तो फार शांत असल्याचंही संदीप यांनी स्पष्ट केलं. पुढे ते म्हणाले, “मी रणबीरचा रॉकस्टार एकाच दिवशी दोन वेळा पाहिला अन् लगेच मी त्याला फोन करून मला त्याचं काम आवडल्याचं सांगितलं. मी त्याच्याबरोबर काम करेन हा विचार मी कधीच केला नव्हता. रणबीरनेच ‘कबीर सिंह’पाहून माझ्याकडे चित्रपट करायचा प्रस्ताव ठेवला होता, खरंतर त्याआधी जेव्हा ‘अर्जुन रेड्डी’ आला होता तेव्हाच त्याने मला मेसेज केला होता परंतु माझ्याकडून तो मेसेज पाहिला गेला नव्हता. मला त्याचं वाईट वाटतं.”

या चित्रपटाला सेन्सॉरकडून ‘ए’ सर्टिफिकेट मिळालं असून चित्रपटाची लांबी ही ३ तास २१ मिनिटं अशी असल्याचं खुद्द संदीप रेड्डी वांगा यांनीच स्पष्ट केलं आहे. रणबीरचा हा सगळ्यात वेगळा अवतार मोठ्या पडद्यावर पाहण्यासाठी चाहते फारच उत्सुक आहेत. या ट्रेलरलाही लोकांनी पसंत केलं आहे. १ डिसेंबरला हा चित्रपट हिंदी, तमिळ, तेलुगू, कन्नड, मल्याळम अशा ५ भाषांमध्ये प्रदर्शित होणार आहे. याच दिवशी विकी कौशलचा ‘सॅम बहादुर’सुद्धा प्रदर्शित होणार असल्याने बॉक्स ऑफिसवर एक जबरदस्त टक्कर पाहायला मिळणार आहे.