रणवीर सिंगचा ‘सर्कस’ चित्रपट डिसेंबर महिन्यात प्रदर्शित झाला. रणवीरसह जॅकलीन फर्नांडिस, पूजा हेगडे, सिद्धार्थ जाधव अशी तगड्या कलाकारांची फौज या चित्रपटात होती, पण चित्रपट प्रेक्षकांची मनं जिंकण्यात अपयशी ठरला. अशातच रणवीर सिंगने इन्स्टाग्रामवर व्हिडीओ शेअर करत चाहत्यांना नवीन वर्षाच्या शुभेच्छा दिल्या. रणवीर त्याच्या हटके स्टाईलसाठी ओळखला जातो, तसाच त्याचा शुभेच्छांचा व्हिडीओही हटके होता. पण नेटकऱ्यांनी मात्र त्याला त्या व्हिडीओवरून ट्रोल केलंय.
“कोणती नशा करतोस?” मोदींच्या आईंना श्रद्धांजली वाहणारं ट्वीट केल्याने शाहरुख खान ट्रोल, नेमकं काय घडलं?‘या’ तीन कारणांमुळे शाहरुखचा ‘पठाण’ फ्लॉप होणार; प्रसिद्ध अभिनेत्याचा दावा, म्हणाला, “चित्रपटाचं…”
नवीन वर्षाची सुरुवात झाली आहे, पण रणवीरने एक दुःखी व्हिडीओ शेअर केला आहे. हा व्हिडीओ हॉलीवूडचा क्लासिक चित्रपट ‘फॉरेस्ट गंप’चा आहे. व्हिडीओमध्ये, लेफ्टनंट डॅन नवीन वर्षाच्या आदल्या दिवशी पार्टीमध्ये उदास बसलेले दिसत आहेत. फॉरेस्ट आणि इतर लेफ्टनंटला नवीन वर्षाच्या शुभेच्छा देत आहेत. मात्र, त्याचा त्यांच्यावर परिणाम होत नाही आणि ते उदास राहतात. हा व्हिडीओ पाहून चाहते रणवीर सिंग दुःखी असल्याचा अंदाज बांधत आहेत. रणबीरचा ‘सर्कस’ चित्रपट फ्लॉप झाल्याने तो दुःखी असावा, असं म्हटलं जातंय.
भगव्या बिकिनीनंतर ‘पठाण’चं ‘बेशरम रंग’ गाणं पुन्हा वादात; Video शेअर करत पाकिस्तानी गायकाचा आरोप
रणवीर सिंगने हा व्हिडिओ इंस्टाग्रामवर शेअर केल्यापासून सोशल मीडियावर प्रतिक्रियांचा पूर आला आहे. टॉम हँक्सच्या ‘फॉरेस्ट गंप’ चित्रपटातील हा सीन विनोदी आहे, पण तो रणवीर सिंगच्या इमेजपेक्षा पूर्णपणे वेगळा आहे. रणवीर सिंग उत्साही आणि मनमिळावू व्यक्ती आहे, असा उदास राहणाऱ्यातला तो नाही. त्यामुळे रणवीरची ही पोस्ट युजर्सच्या पचनी पडली नाही. ‘सर्कस’ चित्रपट फ्लॉप झाल्यामुळे कदाचित अभिनेता दु:खी असेल, असा अंदाज नेटकऱ्यांनी लावला आहे.
‘सर्कसचं बॉक्स ऑफिस कलेक्शन बघून धक्का बसला का’, ‘सर्कस बॉक्स ऑफिसवर फ्लॉप झाल्याचा धक्का बसलाय’, ‘सर्कस चित्रपट स्वतः पाहिल्यावर रणवीरची प्रतिक्रिया’, ‘सर्कससारखा चित्रपट करण्याचे परिणाम’, अशा कमेंट्स त्याच्या पोस्टवर करण्यात आल्या आहेत. तर, ‘हे वर्षच चांगलं नव्हतं, पुढच्या वर्षात चांगल्या कथा निवड आणि चांगले चित्रपट कर, तुला नवीन वर्षाच्या शुभेच्छा’, असं त्याच्या चाहत्यांनी म्हटलं आहे.
‘या’ तीन कारणांमुळे शाहरुखचा ‘पठाण’ फ्लॉप होणार; प्रसिद्ध अभिनेत्याचा दावा, म्हणाला, “चित्रपटाचं…”
दरम्यान, २०२२ हे वर्ष रणवीरसाठी फारसं चांगलं राहिलं नाही. त्याचा ‘जयेशभाई जोरदार’ चित्रपट फ्लॉप झाला होता. ‘८३’ चित्रपटही विशेष कामगिरी करू शकला नाही, त्यानंतर त्याला ‘सर्कस’ चित्रपटाकडून फार अपेक्षा होत्या. पण चित्रपट प्रेक्षकांची मनं जिंकण्यात अपयशी ठरला. अशातच रणवीरचा व्हिडीओ चर्चेचा विषय ठरला आहे.
