अभिनेता रणवीर सिंग हा बॉलिवूडमधील एक दिलखुलास अभिनेता म्हणून ओळखला जातो. त्याच्या मनमोकळ्या स्वभावाने, त्याच्या हटके स्टाईलने तो प्रत्येकाला आकर्षित करून घेत असतो. अनेक बड्या ब्रॅण्ड्सच्या जाहिरातीत दिसणाऱ्या रणवीरच्या आवडीनिवडीही जबरदस्त आहेत. त्याला गाड्यांचे वेड आहे हे सर्वांनाच माहित आहे. त्याच्याकडे काही जागप्रसिद्ध कंपन्यांच्या गाड्याही आहेत. या ताफ्यात लॅम्बॉर्गिनी, मर्सिडीज, ऍस्टन मार्टिन अशा आलिशान गाड्यांचा समावेश आहे.
‘टॉप गेअर इंडिया’ला दिलेल्या एका मुलाखतीत रणवीरला हे गाड्यांचे वेड त्याच्या वडिलांमुळे लागले असल्याचा खुलासा त्याने केला होता. त्याचे वडील सात वर्ष व्यवसायिक ड्रायव्हर म्हणून काम करत होते, त्यामुळे त्यालाही गाड्यांची आवड लागली, असे त्याने सांगितले होते.
रणवीर मुंबईच्या रस्त्यांवरून अनेकदा त्याच्या या महागड्या गाड्यानमधून फिरताना दिसतो. मर्सिडीज, लॅम्बॉर्गिनी अशा गाड्यांमध्ये प्रवास करताना दिसला. आता त्यानंतर रणवीरने त्याच्या ऍस्टन मार्टिन या गाडीची झलक त्याच्या चाहत्यांना दाखवली. सध्या रणवीरचा एक व्हिडीओ सोशल मीडियावर खूप व्हायरल होत आहे. यात तो त्याची ही ४ कोटीची निळ्या रंगाची गाडी चालवताना दिसत आहे. यावेळी त्याने फोटोग्राफर्सना पोज देताना दिसला.
त्याने एकदा एका मुलाखतीत सांगितले होते, “माझ्या मालकीची अ‍ॅस्टन ही पहिली कार होती ज्यात पॅडल शिफ्टर्स होती. माझ्या बकेट लिस्टमधील आणखी एक गोष्ट म्हणजे लॅम्बॉर्गिनी गाडी विकत घेणे. २०१४ साली मी पहिल्यांदा लॅम्बॉर्गिनीच्या शोरूममध्ये गेलो. त्यानंतर शेवटी ती विकत घेण्यासाठी मी सहा वर्षे वाट पहावी लागली. पण जेव्हा ती विकत घेतला तेव्हा तो माझ्यासाठी अभिमानाचा क्षण होता.”
हेही वाचा : शाहरुखच्या ‘डॉन ३’मध्ये होणार ‘या’ अभिनेत्याची एंट्री, पाहिल्यांदाच शेअर करणार किंग खानबरोबर स्क्रीन
दरम्यान, रणवीर लवकरच करण जोहरच्या ‘रॉकी और रानी की प्रेम कहानी’ या चित्रपटात आलिया भट्टबरोबर झळकणार आहे. त्याबरोबरच या वर्षाखेरीस त्याचा रोहित शेट्टी दिग्दर्शित ‘सर्कस’ हा चित्रपट प्रदर्शित होणार आहे.
