रेखा यांनी नुकतीच अमिताभ बच्चन यांचा नातू अगस्त्य नंदा याची भेट घेतली. मुंबईत राज कपूर यांच्या १००व्या जयंतीनिमित्त मोठ्या उत्सवाचे आयोजन करण्यात आले होते, या सोहळ्याला बॉलीवूडच्या सेलिब्रिटींनी आणि कपूर कुटुंबाने महान अभिनेते-दिग्दर्शक राज कपूर यांना श्रद्धांजली अर्पण केली. या कार्यक्रमाला उपस्थित असलेल्या अनेक सेलिब्रिटींमध्ये ज्येष्ठ अभिनेत्री रेखा यांचाही समावेश होता.
कार्यक्रमातील काही व्हिडीओ सोशल मीडियावर व्हायरल झाले आहेत, ज्यामध्ये रेखा आपल्या बॉलीवूडच्या सेलिब्रिटींना आणि कपूर कुटुंबातील सदस्यांना भेटताना दिसत आहेत. अशाच एका व्हिडीओमध्ये रेखा अमिताभ बच्चन यांचा नातू अगस्त्य नंदा याला मिठी मारताना दिसत आहेत. हा व्हिडीओ व्हायरल होत आहे. अभिनेत्री रेखा या अमिताभ बच्चन यांच्याबरोबरच्या कथित प्रेमप्रकरणामुळे आजही चर्चेत असतात. याच कारणामुळे रेखा आणि अगस्त्य नंदाच्या व्हिडीओ व्हायरल झाला अशी चर्चा सोशल मीडियावर सुरु आहे.
या व्हिडीओत रेखा या सर्वांची भेट घेत असताना त्यांच्यासमोर अगस्त्य नंदा आला आणि रेखा यांनी त्याला मिठी मारली. अभिनेता अगस्त्य नंदाने रेखा यांना हात जोडून अभिवादन केले, तर रेखा यांनी त्याला आशीर्वाद देताना त्याचा चेहऱ्यावरून हात फिरवला. अगस्त्य आपल्या आई श्वेता बच्चन आणि बहीण नव्या नवेली नंदा यांच्याबरोबर कार्यक्रमाला उपस्थित होता. अगस्त्य आणि नव्या यांचे कपूर कुटुंबाशी नात आहे, राज कपूर यांच्या कन्या रितू नंदा, त्यांच्या आजी आहेत.
कपूर कुटुंबातील रणबीर कपूर, करीना कपूर खान, करिश्मा कपूर, सैफ अली खान, नीतू कपूर, रिद्धिमा कपूर साहनी आणि आलिया भट्ट यांनी राज कपूर यांनी या कार्यक्रमाला हजेरी लावली. कार्यक्रमाचे फोटो आणि व्हिडीओ सोशल मीडियावर व्हायरल झाले आणि त्यातून चित्रपटसृष्टीने राज कपूर यांच्याविषयी दाखवलेली आदरभावना स्पष्ट झाली.
पाहा व्हिडीओ –
हेही वाचा…अल्लू अर्जुनच्या वकिलांनी जामिनासाठी न्यायालयात का घेतले शाहरुख खानचे नाव? जाणून घ्या
या कार्यक्रमात रेखा यांनी सुवर्णसदृश साडीत रेड कार्पेटवर येत राज कपूर यांच्या पोस्टरसमोर जाऊन नमस्कार केला. त्यांनी हात जोडले, फोटोला स्पर्श केला आणि आपले डोके खाली झुकवत त्यांना आदरांजली वाहिली. त्या क्षणी काही काळ शांत राहिल्यानंतर त्यांनी फोटोसाठी पोज दिली.
हेही वाचा…‘करिश्मा का करिश्मा’ फेम झनक शुक्लाने बांधली लग्नगाठ; जाणून घ्या कोण आहे तिचा पती, काय करतो?
दरम्यान, मुंबईत राज कपूर फिल्म फेस्टिव्हलची सुरुवात झाली आहे. राज कपूर यांच्या १००व्या जयंतीनिमित्त हा महोत्सव आयोजित करण्यात आला आहे. कपूर कुटुंबाने राज कपूर यांच्या आठवणींना उजाळा देण्यासाठी १० उत्कृष्ट चित्रपट सादर करणारा हा महोत्सव आयोजित केला आहे. या फेस्टिव्हलमध्ये राज कपूर यांच्या चार दशकांच्या कारकिर्दीतले सर्वोत्कृष्ट चित्रपट दाखवले जातील, त्यामध्ये ‘आग’ (१९४८), ‘बरसात’ (१९४९), ‘आवारा’ (१९५१), ‘श्री ४२०’ (१९५५), ‘जागते रहो’ (१९५६), ‘जिस देश में गंगा बहती है’ (१९६०), ‘संगम’ (१९६४), ‘मेरा नाम जोकर’ (१९७०), ‘बॉबी’ (१९७३), आणि ‘राम तेरी गंगा मैली’ (१९८५) यांचा समावेश आहे.
© IE Online Media Services (P) Ltd