“गाण्यासाठी तब्बल ९९ टेक घेतले तरीही…”, सेटवर नाराज झालेले संजय लीला भन्साळी; रिचा चड्ढा म्हणाली, “शेवटी…”

‘हीरामंडी : द डायमंड बाजार’ या सीरिजमध्ये प्रेक्षकांना लाहोरची कथा पाहायला मिळते. यामध्ये रिचाने साकारलेल्या लज्जोच्या भूमिकेचं सर्वत्र कौतुक करण्यात येत आहे. या भूमिकेसाठी अभिनेत्रीने सीरिजमध्ये एक डान्स सीक्वेन्स केला आहे. प्रत्यक्षात या सीक्वेन्ससाठी तिला ९९ टेक द्यावे लागले होते. याचं एकमेव कारण म्हणजे संजय लीला भन्साळींना या गाण्यात परफेक्शन हवं होतं.

आणखी वाचा

वसई : ८ लाखांचे कर्ज फेडण्यासाठी तरुणाची योजना, प्रेयसीच्या मदतीने मामाच्या घरात चोरी

४ ऑक्टोबर पंचांग: मेष, वृषभसह ‘या’ राशींवर देवी…

तांदळाच्या डब्यातील किडे पळवून लावण्यासाठी ‘हे’ सोप्पे उपाय नक्की करा

Video: येता संकट धैर्य, शौर्यासह लढली माझी आई….! पिल्लाचा जीव वाचवण्यासाठी वाघापुढे उभे ठाकले अस्वल

नागपूर : पोटासाठी काहीही! मायलेकाने चहाटपरी लावण्यासाठी…

लाडक्या बाप्पाच्या नैवेद्यासाठी झटपट बनवा स्वादिष्ट वाटली डाळ! लिहून घ्या रेसिपी

पतीनं बाहेर संबंध ठेवू नये म्हणून पत्नींसाठी चीनमध्ये खास शिबिराचं आयोजन, सोशल मीडियावर लोक म्हणाले…

‘शेवटी बाप्पा एकच…’ लालबागच्या राजाच्या दर्शनासाठी भाविकांची तारेवरची कसरत; VIDEO पाहून नेटकरी म्हणाले, “मनी नाही भाव…”

हेही वाचा : Video : ना बॉलीवूड, ना साऊथ…; ऐश्वर्या व अविनाश नारकरांचा कोळी गाण्यावर जबरदस्त डान्स, व्हिडीओ व्हायरल

रिचा चड्ढाने डान्स केलेल्या गाण्यात आकर्षक डान्स स्टेप्स, भावनिक संदर्भ आणि मद्यधुंद अवस्थेत डान्स करणारी नर्तिका असे सगळे हावभाव एकत्रित अपेक्षित होते. अशावेळी अचूक शॉट मिळेपर्यंत भन्साळी रिटेक घेत राहतात. रिचाने जेव्हा ‘हीरामंडी’साठी डान्स सीक्वेन्सचं चित्रीकरण चालू केलं तेव्हा एकावर एक टेक होत गेले आणि साहजिकच भन्साळीचा संयम सुटत होता. शेवटी ते प्रचंड संतापले होते. रिचा याबद्दल ‘गलाटा प्लस’शी संवाद साधताना सांगते, “भन्साळींना स्वत: शास्त्रीय नृत्याबद्दल ज्ञान आहे. ते स्वत: प्रशिक्षित डान्सर आहेत. त्यांना नृत्याची लय आणि नेमकेपणा माहीत होता. त्यामुळे अर्थातच त्यांना त्या डान्समध्ये परिपूर्णता अपेक्षित होती.”

गाण्याच्या चित्रीकरणाबाबत बोलताना रिचा पुढे म्हणाली, “कोरिओग्राफीमध्ये त्यांचं अगदी बारकाईने लक्ष असतं. त्या ९९ टेकमध्ये डोक्यावर जड फुलांच्या मुंडावळ्या, पायाची लकब या सगळ्या गोष्टी सांभाळून मला मनातल्या भावना व्यक्त करायच्या होत्या. त्यात आपण भन्साळी सरांना हवंय तसं नीट करत नाहीये याचा प्रचंड तणाव मला आला होता. त्यादिवशी ते ९९ टेक घेऊन मी प्रचंड थकले होते, रडत होते. पण, तरीही मला तो शॉट प्रामाणिकपणे नीट करायचा होता. शेवटी ९९ टेकनंतर सरांनी पॅकअप सांगितलं. याचा अर्थ त्यांना नव्याने व्यवस्थित तो शॉट शूट होणं अपेक्षित होतं. काही दिवसांनी भन्साळींनी पुन्हा या डान्स सीक्वेन्सचं चित्रीकरण करण्यास सुरुवात तेली. त्यावेळी मी केवळ २० मिनिटांत त्यांना हवा तसा शॉट दिला.”

हेही वाचा : ‘तुला शिकवीन चांगलाच धडा’ मालिकेसाठी अक्षराची पोस्ट, निमित्त आहे खूपच खास; शिवानी रांगोळे म्हणते…

याविषयी संजय लीला भन्साळी एका मुलाखतीत म्हणाले होते, “रिचाला परफेक्ट शॉट देण्यास वेळ लागला. ती खूप प्रयत्न करत होती. पण, मला जे अपेक्षित होतं ते मिळत नव्हतं. मी स्वत: खूप अस्वस्थ झालो होतो. तू सराव केलाय तरीही का जमत नाही असा प्रश्न विचारून मी तिच्यावर रागावलो…अर्थात यामुळे ती सुद्धा नाराज झाली होती. पण, शेवटी तिने तो डान्स सीक्वेन्स उत्तमप्रकारे केला.”

दरम्यान, ‘हीरामंडी’ सीरिजला प्रेक्षकांचा चांगला प्रतिसाद मिळत असून ही सीरिज नेटफ्लिक्सवर पाहायला मिळणार आहे. यामध्ये मनीषा कोईराला, शर्मिन सेगल, अदिती राव हैदरी, शेखर सुमन, फरदीन खान यांनी महत्त्वाच्या भूमिका साकारल्या आहेत.