Riddhima Kapoor Sahni Neetu Kapoor Dance : रणबीर कपूरच्या ‘अ‍ॅनिमल’ चित्रपटातील ‘जमाल कूडू’ (Jamal Kuddu) या गाण्याची जादू आजही कायम आहे. या चित्रपटाला प्रदर्शित होऊन जवळपास एक वर्ष उलटून गेलं असलं तरीही या गाण्याचा आकर्षक हुक स्टेप अजूनही चाहत्यांना थिरकायला लावत आहे. फक्त चाहत्यांनाच नव्हे, तर रणबीरच्या कुटुंबीयांनाही या गाण्यावर थिरकण्याचा मोह आवरला नाही. अलीकडेच रणबीरची बहीण रिद्धिमा कपूर साहनी आणि आई नीतू कपूर यांनी या गाण्यावर थिरकत एक मजेदार व्हिडीओ शेअर केला.
‘अ‍ॅनिमल’ चित्रपटाच्या प्रदर्शनापासूनच ‘जमाल कूडू’ हे गाणं एक लोकप्रिय झालं. ‘अ‍ॅनिमल’ सिनेमात बॉबी देओलच्या दमदार एंट्रीसह या गाण्याने चाहत्यांच्या मनात ठसा उमटवला आहे. या गाण्याचा जोशपूर्ण ताल आणि आकर्षक हुक स्टेप्स आजही लोकांना वेड लावत आहे, ज्यामुळे सर्वत्र लोक हे स्टेप्स रिक्रिएट करण्याचा प्रयत्न करताना दिसतात. रिद्धिमा कपूर साहनी (Riddhima Kapoor Sahni) आणि नीतू कपूर (Neetu Kapoor) यांनी ‘जमाल कुडू’च्या स्टेप्स रिक्रिएट करीत डान्स केल्याने हा व्हिडीओ व्हायरल झाला आहे.
रिद्धिमा कपूर साहनीने अलीकडेच तिच्या इन्स्टाग्रामवर एक व्हिडीओ शेअर केला, ज्यामध्ये ती आणि तिची आई नीतू कपूर ‘जमाल कूडू’ या गाण्यावर नाचताना दिसतात. या व्हिडीओत रिद्धिमा तिच्या डोक्यावर थाळी ठेवून नाचताना दिसत आहे; तर नीतूही तितक्याच उत्साहात तिला साथ देत आहेत. या व्हिडीओत रिद्धिमा चमकदार मरून रंगाच्या टॉपमध्ये, तर काळ्या लांब स्कर्टमध्ये दिसत आहे. तर, नीतू कपूर पांढऱ्या पोशाखात अप्रतिम दिसत आहेत. या पोस्टला रिद्धिमाने ‘माझ्या मम्मीबरोबर डान्स फ्लोअरवरच चांगले वाइब्स येतात’, अशी कॅप्शन दिली आहे.
रिद्धिमा कपूर २००६ मध्ये व्यवसायिक भरत साहनीशी विवाहबंधनात अडकली. रिद्धिमा कपूर साहनी एक यशस्वी फॅशन डिझायनर आहे.अलीकडेच ती नेटफ्लिक्सवरील ‘फॅब्युलस लाइव्ह्ज ऑफ बॉलीवूड वाइव्ह्ज’ या सीरिजच्या तिसऱ्या सीझनमध्ये सहभागी झाली होती. त्यात तिच्यासह माहीप कपूर, नीलम कोठारी, भावना पांडे, सीमा सजदेह, शालिनी पासी व कल्याणी साहा चावला यांनी सहभाग घेतला होता.
