रणवीर व आलियाचा ‘रॉकी और रानी की प्रेम कहानी’ ओटीटीवर दाखल; ‘या’ प्लेफॉर्मवर पाहता येणार चित्रपट

हेही वाचा- अल्लू अर्जुनने पहिला शाहरुख खानचा ‘जवान’, प्रतिक्रिया देत अभिनेता म्हणाला, “चित्रपटाचे निर्माते…”

हा चित्रपट या आठवड्याच्या सुरुवातीलाच अ‍ॅमेझॉन प्राईम व्हिडिओवर प्रदर्शित करण्यात आला आहे. सध्या हा चित्रपट पाहण्यासाठी प्रेक्षकांना पैसे मोजावे लागणार आहेत. हा चित्रपट पुढील ३० दिवसांसाठी प्राइम व्हिडिओवर पैसे भरून हा चित्रपट पाहता येणार आहे. त्यानंतर प्रेक्षकांना या चित्रपटाचा मोफत आनंद घेता येणार आहे.

मिळालेल्या माहितीनुसार चित्रपटगृहांमध्ये प्रदर्शित करण्यापूर्वी या चित्रपटातील काही सीन्स हटवण्यात आले होते. आता ओटीटीवर प्रदर्शित करताना या चित्रपटात ते सीन्स पुन्हा टाकण्यात आले आहेत. त्यामुळे ओटीटी प्रेक्षकांना हटवण्यात आलेले सीन्स पाहता येणार आहेत.

हेही वाचा- ‘बेटे को हाथ लगाने से पहले…’ ‘जवान’मधील हा डॉयलॉग स्क्रिप्टमध्ये नव्हताच, लेखक खुलासा करत म्हणाला, “शाहरुख सरांनी…”

‘रॉकी और रानी की प्रेम कहानी’ चित्रपटातून करण जोहरने तब्बल ८ वर्षांनी पुन्हा दिग्दर्शक म्हणून कमबॅक केलं आहे. ‘रॉकी और रानी की प्रेम कहानी’मध्ये आलियाने बंगाली मुलीची तर रणवीरने पंजाबी मुलाची भूमिका साकारली आहे. तसेच धर्मेंद्र, जया बच्चन, शबाना आझमी, क्षिती जोग यांच्यासह अनेक कलाकारांनी या चित्रपटात महत्वाच्या भूमिका साकारल्या होत्या.