दाक्षिणात्य प्रसिद्ध अभिनेत्री रश्मिका मंदानाने ‘अ‍ॅनिमल’ या चित्रपटाच्या माध्यमातून बॉलीवूडमध्ये पदार्पण केलं. तिचा हा पहिला हिंदी चित्रपट ब्लॉकबस्टर ठरला. प्रेक्षकांनी या चित्रपटाला उदंड प्रतिसाद दिला. त्यानंतर आता बॉलीवूडमध्ये पदार्पण करण्यासाठी दाक्षिणात्य प्रसिद्ध अभिनेत्री साई पल्लवी सज्ज झाली आहे. आमिर खानचा लेक जुनैद खानसह साई बॉलीवूडमध्ये पाऊल ठेवणार आहे.
काही दिवसांपूर्वी साई पल्लवी व जुनैद खानच्या चित्रपटाच्या जपानमधील चित्रीकरणा दरम्यानचे काही फोटो व्हायरल झाले होते. ज्यामध्ये दोघं विंटर लूकमध्ये पाहायला मिळाले होते. आता साई व जुनैदच्या आगामी चित्रपटाचं जपानमधील चित्रीकरण पूर्ण झाले असून एका पार्टीचा व्हिडीओ समोर आला आहे.
‘बॉलीवूड नाउ’ या इन्स्टाग्राम पेजवर पार्टीचा व्हिडीओ शेअर करण्यात आला आहे. ज्यामध्ये साई पल्लवी कंगना रणौतचं ‘लंडन ठुमकदा’ या गाण्यावर जबरदस्त डान्स करताना दिसत आहे. साईच्या या व्हिडीओने सध्या सगळ्यांचं लक्ष वेधून घेतलं आहे.
हेही वाचा – तितीक्षा तावडेचा पती बॉलीवूडच्या ‘या’ प्रसिद्ध अभिनेत्रीबरोबर झळकणार, सिद्धार्थ बोडकेचा व्हिडीओ आला समोर
दरम्यान, साईच्या कामाबद्दल बोलायचं झालं तर, ती रणबीर कपूरसह ‘रामायण’ या चित्रपटात झळकणार असल्याची चर्चा सुरू आहे. या चित्रपटात ती सीतेच्या भूमिकेत पाहायला मिळणार आहे.
