महेश मांजरेकरांची लाडकी लेड सई मांजरेकरने २०१९ मध्ये ‘दबंग ३’ चित्रपटाच्या माध्यमातून बॉलीवूडमध्ये पदार्पण केले होते. सईचे सोशल मीडियावर लाखो फॉलोवर्स आहेत. अभिनेत्री तिच्या दैनंदिन दिनक्रमाबाबत बऱ्याच गोष्टी इन्स्टाग्रामवर शेअर करताना दिसते. दरम्यान, अलीकडेच सईचा एक व्हिडीओ सोशल मीडियावर प्रचंड व्हायरल होत आहे.
हेही वाचा : “मेकअप का केलास, चेहरा धुऊन ये” प्रिया बापटने सांगितला ‘तो’ किस्सा, म्हणाली “मुन्नाभाई MBBS चित्रपट करताना…”
सई मांजरेकरचा हा व्हिडीओ ‘फिल्मीग्यान’ या पापाराझी पेजवर शेअर करण्यात आला आहे. मुंबईत एका फुगेवाल्याच्या कुटुंबियांनी सईकडे फोटोसाठी मागणी केली. यावेळी सईने त्यांच्याबरोबर फोटो काढून त्यांची अगदी प्रेमाने विचारपूस करीत हस्तांदोलन केले. अभिनेत्रीची ही कृती पापाराझींनी कॅमेऱ्यात कैद केली आहे. तिचा साधेपणा नेटकऱ्यांना फारच भावला असून त्यांनी या व्हायरल व्हिडीओवर कमेंट करीत अभिनेत्रीचे कौतुक केले आहे.
सई मांजरेकरचे कौतुक करीत एका युजरने लिहिले आहे की, “ही खूप चांगली मुलगी आहे.” तर दुसऱ्या एका युजरने “सई महेश मांजरेकरांची मुलगी असल्याने तिच्यावर फार चांगले संस्कार करण्यात आले आहेत” तसेच आणखी एका नेटकऱ्याने “सई मराठी मुलगी आहे म्हणून ती एवढी समजूतदारपणे वागत आहे.” अशा कमेंट अभिनेत्रीच्या व्हायरल व्हिडीओवर केल्या आहेत.
दरम्यान, सईने २०१९ मध्ये प्रदर्शित झालेल्या ‘दबंग ३’ चित्रपटातून बॉलिवूडमध्ये पदार्पण केले होते. या चित्रपटात तिने अभिनेता सलमान खानच्या प्रेयसीची भूमिका साकारली होती. हिंदीच्या बरोबरीने सईने तेलगू चित्रपटसृष्टीतही आपला ठसा उमटवला आहे.
