‘किसी का भाई किसी की जान’च्या अपयशानंतर सलमान खाननं घेतला मोठा निर्णय; संजय लीला भन्साळींना फोन करत म्हणाला…

अनेक माध्यमांच्या वृत्तानुसार- सध्या सलमान खान हिट चित्रपटाच्या शोधात आहे. कारण- त्याच्या मागील काही चित्रपटांना बॉक्स ऑफिसवर फारसं यश मिळवता आलेलं नाही. सलमानच्या काही चित्रपटांच्या कथा प्रेक्षकांना आवडलेल्या नाहीत; तर काही चित्रपटांतील भूमिका आवडल्या नाहीत. त्यामुळे आता सलमाननं थेट दिग्दर्शक संजय लीला भन्साळींशी संपर्क साधला आहे आणि ‘इंशाल्लाह’ चित्रपटात काम करण्यासाठी त्यानं सकारात्मक असल्याचं सांगितलं आहे. याबाबत अजून अधिकृत घोषणा झालेली नाही. पण, भाईजाननं ‘इंशाल्लाह’ चित्रपटात काम केलं, तर पहिल्यांदाच मोठ्या पडद्यावर सलमान आणि आलिया भट्ट ही जोडी प्रेक्षकांना पाहायला मिळेल.

हेही वाचा – अजय देवगणने मुंबईत खरेदी केली नवी मालमत्ता; किंमत वाचून बसेल धक्का

हेही वाचा – Video: अभिनेते सयाजी शिंदेंनी महाराष्ट्राच्या जनतेला दिला मोलाचा सल्ला; म्हणाले, “या पक्षाला….”

दरम्यान, चित्रपटाला सतत मिळणाऱ्या अपयशानंतर सलमाननं आपल्या करिअरमध्ये आणखी एक महत्त्वाचा निर्णय घेतला आहे. तो आता SKF प्रॉडक्शन हाउसमध्ये काम करताना दिसणार नाही; जे प्रॉडक्शन हाउस त्याचंच आहे. तसेच सलमान कुटुंबातील सदस्य किंवा मित्रांच्या प्रेमापोटी तो एखाद्या चित्रपटात काम करणार नाही; शिवाय तो आपल्या चित्रपटात नव्या कलाकारांना संधी कमी देईल. याबाबतची माहिती सलमानच्या जवळच्या मित्रानं दिली.

हेही वाचा – Bigg Boss OTT 2 मधून बाहेर पडताना आकांक्षा पुरीला मिळाली अपमानास्पद वागणूक; म्हणाली, “सलमान खानने….”

सध्या सलमान खान ‘बिग बॉस ओटीटी’चं दुसरं पर्व होस्ट करत आहे. याशिवाय तो आगामी चित्रपट ‘टायगर ३’साठी चर्चेत आहे. सलमानच्या या चित्रपटाकडून चाहत्यांना खूप अपेक्षा आहेत. या चित्रपटात सलमानबरोबर प्रमुख भूमिकांत कतरिना कैफ, इमरान हाश्मीही दिसणार आहेत. मनीष शर्मा दिग्दर्शित ‘टायगर ३’ यंदाच्या दिवाळीत प्रदर्शित होणार असल्याचं म्हटलं जात आहे.