सलमान खानचा ‘किसी का भाई किसी की जान’ हा चित्रपट ईदच्या दिवशी प्रदर्शित होणार आहे. त्यापूर्वी १० एप्रिल रोजी चित्रपटाचा ट्रेलर लाँच करण्यात आला. या लाँचिंग सोहळ्याला सलमान खान, पूजा हेगडेसह शहनाज गिल, सिद्धार्थ निगम, पलक तिवारी असे अनेक कलाकार उपस्थित होते. यावेळी सलमानने शहनाजला एक मोलाचा सल्ला दिला.
शहनाज गिल व दिवंगत अभिनेता सिद्धार्थ शुक्ला यांच्या नात्याबद्दल वेगळं सांगायची गरज नाही. दोघेही एकमेकांच्या खूप जवळ होते, पण अचानक सप्टेंबर २०२१ मध्ये सिद्धार्थ शुक्लाचं हार्ट अटॅकने निधन झालं. या घटनेने शहनाज कोलमडली. ती कामात मन रमवत असली तरी अनेकदा ती सिद्धार्थबद्दल बोलताना दिसते. त्याची आठवण काढत असते, आता सलमान तिले मूव्ह ऑन करायला सल्ला दिलाय, तिला त्यातून बाहेर पड आणि आयुष्यात पुढे जा, असं सलमान या कार्यक्रमात म्हणाला.
ट्रेलर लाँच कार्यक्रमादरम्यान शहनाजला जेव्हा विचारण्यात आले की ती आयुष्यात किती पुढे जाऊ शकली आहे? शहनाज या प्रश्नाचे उत्तर देण्यापूर्वीच सलमान म्हणाला, ‘मूव्ह ऑन शहनाज. पुढे जा. मूव्ह ऑन कर, जे झालं ते झालं आता पुढे जा.’ सलमानचे बोलणे ऐकून शहनाज पाहतच राहिली. नंतर ती म्हणाली, ‘सलमान सर तुम्ही काय म्हणालात ते ते मला समजलं नाही.’
दरम्यान, हा व्हिडीओ चांगलाच व्हायरल होत आहे.
लोक सलमान शहनाजला करत असलेल्या मदतीचं कौतुकही करत आहे. शहनाज व सिद्धार्थ शुक्ला यांची भेट ‘बिग बॉस’मध्ये झाली होती, तर सलमान त्या पर्वाचा होस्ट होता.
