Video: नव्या वहिनीबरोबर सलमान खान थिरकला ‘या’ गाण्यावर, व्हिडीओ झाला तुफान व्हायरल

५६ वर्षीय अरबाज खान काल मेकअप आर्टिस्ट शुरा खानबरोबर लग्नबंधनात अडकला. अरबाजने स्वतः लग्नाचे काही फोटो सोशल मीडियावर शेअर करत लिहिलं, “आमच्या जवळच्या लोकांच्या उपस्थितीत, मी आणि माझी जोडीदार आयुष्यभराच्या प्रेमाची आजपासून सुरुवात करत आहोत. आमच्या खास दिवशी तुमचे आशीर्वाद आणि शुभेच्छांची गरज आहे.” सध्या अरबाज आणि शुरावर शुभेच्छांचा वर्षाव होत आहे. अशातच सलमान खानचा लग्नातला एक व्हिडीओ तुफान व्हायरल झाला आहे. ज्यामध्ये तो नवी वहिनी शुराबरोबर थिरकताना दिसत आहे.

हेही वाचा – Video: संगीत सोहळ्यात गौतमी देशपांडेचा होणाऱ्या नवऱ्याबरोबर रोमँटिक डान्स, आईने गायलं खास गाणं

अरबाजच्या लग्नातील सलमान खानचा डान्स व्हिडीओ ‘स्टार स्टाइल स्टोरी’ या इन्स्टाग्राम पेजवर शेअर करण्यात आला आहे. ज्यामध्ये सलमान खान नवी वहिनी शुराबरोबर ‘दिल दियां गल्लां’ गाण्यावर थिरकताना दिसत आहे. तसेच सलमानबरोबर शुरा व्यतिरिक्त अरहान आणि इतर मंडळी देखील डान्स करताना पाहायला मिळत आहेत.

हेही वाचा – सविता मालपेकर यांना एका लोकप्रिय मालिकेदरम्यान दिला होता चॅनेल हेडने त्रास, प्रसंग सांगत म्हणाल्या, “अंतर्वस्त्र…”

दरम्यान, अरबाज खानचं पहिलं लग्न मलायका अरोराबरोबर १९९८ साली झालं होतं. १९ वर्षांचा संसार केल्यानंतर अरबाज आणि मलायका विभिक्त झाले. यानंतर अरबाज जॉर्जिया एंड्रियानी हिला बराच काळ डेट करत होता. दोघांचे अनेक फोटो सोशल मीडियावर व्हायरल झाले होते. पण काही काळानंतर अरबाज शुराला डेट करू लागला. दोघांची मैत्री एका चित्रपटाच्या सेटवर झाली होती. याचं मैत्रीचं रुपांतर प्रेमात झालं आणि काल दोघं लग्नबंधनात अडकले.