सलमान खानच्या घरावरील गोळीबाराचं गुजरात कनेक्शन, तिथून पकडलेल्या आरोपींनी गुन्हे शाखेला दिली मोठी माहिती

बंदूक शोधण्यासाठी गुन्हे शाखेचं पथक पोहोचलं सुरतला

आज तकच्या वृत्तानुसार, गोळीबार केल्यानंतर त्यांनी बंदूक सुरतच्या नदीत फेकल्याचं आरोपींनी गुन्हे शाखेला सांगितलं. त्या बंदुकीचा शोध घेण्यासाठी मुंबई गुन्हे शाखेचे पथक सुरतला पोहोचले आहे. आरोपींनी पोलिसांना बंदूक सुरतच्या तापी नदीत फेकल्याचं म्हटलंय, सध्या पथक बंदुकीचा शोध घेत आहे.

२० वर्षांनी सिनेमागृहांमध्ये पुन्हा प्रदर्शित झालेल्या चित्रपटाची दमदार कमाई, दोन दिवसांत कमावले तब्बल…

बिश्नोई गँगने घेतलेली हल्ल्याची जबाबदारी

सलमान खानच्या घरावर पहाटे गोळीबार झाला होता. त्याच दिवशी १२ वाजताच्या सुमारास गँगस्टर लॉरेन्स बिश्नोईचा भाऊ अनमोल बिश्नोईने या हल्ल्याची जबाबदारी घेतली होती. या प्रकरणी पोलिसांनी गुन्हा दाखल करून वेगाने तपासचक्रे फिरवली आणि दोन्ही आरोपींना गुजरातमधील भुज येथून अटक केली होती. त्यानंतर त्यांना मुंबईत आणण्यात आलं आणि चौकशी सुरू केली. सध्या विकी व सागर दोघेही पोलीस कोठडीत आहेत.

यामी गौतमच्या ‘आर्टिकल ३७०’ चित्रपटाबद्दल शरद पोंक्षेंची प्रतिक्रिया; म्हणाले, “काँग्रेसने काय वाटोळं…”

बिहारमध्ये बंदुक चालवायला शिकले होते आरोपी

अटकेतील आरोपी विकी गुप्ता (२४ वर्षे) आणि सागर पाल (२१ वर्षे) यांनी सलमानच्या घरावर गोळीबार करण्यापूर्वी बिहारमधील चंपारण इथं बंदूक चालवण्याचा सराव केला होता. १३ एप्रिलला रात्री दोघांना बंदूक पुरविण्यात आली. अनमोल बिश्नोई इंटरनेट कॉलिंगद्वारे दोन्ही आरोपींच्या संपर्कात होता. सलमानच्या घरावर गोळीबार करण्यासाठी त्यांना आधीच एक लाख रुपये देण्यात आले होते. त्यांना चार लाख रुपयांमध्ये गोळीबाराची सुपारी देण्यात आली होती.

चाहती अचानक स्टेजवर आली, मिठी मारली, हाताचं चुंबन घेतलं अन्…; प्रसिद्ध गायकाने केलं असं काही की… पाहा VIDEO

सलमान खान दुबईत

रविवारी (१४ एप्रिलला) गोळीबाराची घटना घडली, त्यानंतर चार दिवसांनी सलमान खान गुरुवारी दुबईला रवाना झाला. एका कार्यक्रमाच्या उद्घाटनासाठी तो दुबईला गेला असून अजूनही तिथेच आहे. तिथून माघारी परतल्यावर तो त्याची शूटिंगची कामं करेल, असं म्हटलं जातंय.