Sikandar : सलमान खानचा ‘सिकंदर’ पहिल्याच दिवशी ऑनलाइन लीक; निर्मात्यांना मोठा धक्का

सलमान खानचा सिनेमा ऑनलाइन लीक झाला आहे. थिएटरमध्ये प्रदर्शित झाल्यावर पहिल्याच ‘सिकंदर’ लीक झाल्याने या सिनेमाच्या बॉक्स ऑफिस कलेक्शनवर परिणाम होण्याची शक्यता आहे.

सलमान खान आणि रश्मिका मंदान्ना यांचा ‘सिकंदर’ हा चित्रपट पहिल्याच दिवशी एचडी क्वालिटीमध्ये ऑनलाइन लीक झाला आहे. हा चित्रपट तमिळरॉकर्स, मुव्हीरुल्झ, फिल्मीझिला आणि टेलिग्राम ग्रुप सारख्या प्लॅटफॉर्मवर मोफत पाहण्यासाठी उपलब्ध आहे. या वेबसाइट्सवर चित्रपटाच्या बेकायदेशीर स्ट्रीमिंग लिंक्स व्हायरल करण्यात आल्या आहेत. यामुळे सिनेमाच्या बॉक्स ऑफिस कलेक्शनवर देखील परिणाम होणार आहे.

सरकार बेकायदेशीर स्ट्रीमिंग प्लॅटफॉर्म्सवर सतत कारवाई करत असूनही, चित्रपट प्रदर्शनाआधी किंवा पहिल्याच दिवशी लीक होणं ही एक निर्मात्यांकरता मोठी समस्या निर्माण झाली आहे. सिकंदर कॅमकॉर्डर रेकॉर्डिंगमधून लीक झाला असावा आणि त्यानंतर काही तासांतच एचडी गुणवत्तेत अपलोड करण्यात आला दावा करण्यात येत आहे.

‘सिकंदर’चे दिग्दर्शन ए.आर. मुरुगदास यांनी केलं आहे. सलमान खानसह रश्मिका मंदान्ना, प्रतीक बब्बर आणि शर्मन जोशी यांच्यासह अनेक कलाकारांनी चित्रपटात महत्त्वाच्या भूमिका साकारल्या आहेत.

It’s the worst nightmare for any producer. A film being leaked before its theatrical release. Unfortunately, that’s what happened last evening to Sajid Nadiadwala’s ‘Sikandar’, slated to release today in cinemas. The producer had the authorities pull the film down from 600 sites… pic.twitter.com/mRA8T4qG23

— Komal Nahta (@KomalNahta) March 30, 2025

#Sikandar PRE-HD LEAKED before official release ??‍?️ pic.twitter.com/ifRePjn5Wb

— BFilmy Official (@BFilmyOfficial_) March 29, 2025

दरम्यान, ‘टायगर ३’नंतर सलमान दीड वर्षांनी पुन्हा एकदा रुपेरी पडद्यावर परतला आहे. यामुळेच सिकंदरकडून प्रेक्षकांना प्रचंड अपेक्षा होती. संपूर्ण भारतात सिंकदरचे ८ हजार शो आहेत. ईदच्या लागोपाठ सुट्ट्या असल्याने या सिनेमाच्या बॉक्स ऑफिस कलेक्शनकडे सर्वांचं लक्ष आहे. आता हा सिनेमा बॉक्स ऑफिसवर पहिल्या दिवशी किती कमाई करणार हे पाहणं महत्त्वाचं ठरणार आहे.