बॉलिवूडच्या ‘या’ अभिनेत्याला पाहण्यासाठी गुजरातमध्ये चाहत्यांनी केली गर्दी! व्हिडीओ व्हायरल

‘भूलभुलैया २’च्या यशानंतर कार्तिक सध्या ‘सत्यप्रेम की कथा’ या चित्रपटात काम करत आहे. या चित्रपटात त्याच्याबरोबर कियारा अडवाणीदेखील आहे. या चित्रपटाच्या चित्रीकरणा करिता कार्तिक अहमदाबाद शहरात गेला असताना त्याला पाहण्यासाठी तरुणाईने गर्दी केली होती. चाहत्यांच्या गराड्यात कार्तिक अडकला होता. या घटनेचा व्हिडीओ चांगलाच व्हायरल होत आहे. कार्तिक कियाराचा हा चित्रपट एक संगीतमय प्रेमकथा असणार आहे.

क्रितीच्या बरोबरीने बॉलिवूडची ‘ही’ अभिनेत्री लावणार ठुमके; ‘भेडिया’ चित्रपटातील गाणे प्रदर्शित

मराठमोळा दिग्दर्शक समीर विद्वांस या चित्रपटाचे दिग्दर्शन करत आहे. याआधी समीरने नाटक, चित्रपट, वेबसीरिज या माध्यमांमध्ये काम केले आहे. तो हिंदीत पहिल्यांदाच झळकत आहे. सुप्रसिद्ध निर्माते साजिद नाडियाडवाला, आणि शरीन मंत्री केडिया हे ‘नमाह पिक्चर्स’च्या सहाय्याने या चित्रपटाची निर्मिती करणार आहेत.

कार्तिक आर्यनकडे ‘शहजादा’, ‘फ्रेडी’ हे चित्रपटदेखील आहेत. याशिवाय कबीर खानचा ‘स्ट्रीट फायटर’ आणि हंसल मेहता यांच्या ‘कॅप्टन इंडिया’मध्येही तो दिसणार आहे. भाऊबिजेच्या निमित्ताने त्याने आपल्या बहिणी बरोबरच फोटो शेअर केला होता. नेटकऱ्यांनी त्याच्या या कृतीचे कौतूक केले होते.