सिद्धार्थ मल्होत्राबरोबर लग्नगाठ बांधल्यावर अभिनेत्री कियारा अडवाणी ‘सत्यप्रेम की कथा’ या चित्रपटामधून रुपेरी पडद्यावर पुनरागमन करणार आहे. यामध्ये कियारा कार्तिक आर्यनसह स्क्रीन शेअर करताना दिसणार आहे. यापूर्वी कियारा आणि कार्तिकने ‘भूल भुलय्या’ चित्रपटात एकत्र काम केले होते. त्यांच्या आगामी ‘सत्यप्रेम की कथा’ चित्रपटाचा टीझर रिलीज झाला असून, २९ जूनला हा सिनेमा प्रेक्षकांच्या भेटीला येणार आहे. ‘सत्यप्रेम की कथा’ या चित्रपटासाठी कार्तिक-कियारा लवकरच एक गाणे शूट करून या चित्रपटाचे शूटिंग पूर्ण करणार आहेत. मिळालेल्या माहितीनुसार, चित्रपटाचे निर्माते कार्तिक-कियाराच्या डान्सने या चित्रपटाचे शूटिंग पूर्ण करण्याच्या तयारीत आहेत. गाण्याचे शूटिंग मुंबईतील एका समुद्रकिनाऱ्यावर होणार असून १० दिवसांपूर्वी या गाण्यासाठी भव्य सेट तयार करण्यात आला आहे. यासाठी निर्मात्यांनी बंगलासुद्धा बुक केला आहे. आठवडाभर हे संपूर्ण गाणे चित्रित केले जाईल आणि त्यानंतर या चित्रपटाचे संपूर्ण शूटिंग पूर्ण होईल, असे सांगण्यात येत आहे. प्रसिद्ध नृत्यदिग्दर्शक बॉस्को मार्टिस या गाण्याला कोरिओग्राफ करणार आहेत. हेही वाचा : ‘द केरला स्टोरी’चा बॉक्स ऑफिसवर दबदबा कायम; १७ दिवसांत कमावले ‘इतके’ कोटी, जाणून घ्या एकूण कमाई ‘सत्यप्रेम की कथा’या चित्रपटाच्या टीझरला प्रेक्षकांनी भरभरून प्रतिसाद दिला होता.‘भूल भुलय्या’च्या यशानंतर ही ऑनस्क्रीन जोडी पुन्हा एकदा प्रेक्षकांच्या भेटीला येणार आहे. ‘सत्यप्रेम की कथा’चा टीझर पाहिल्यावर कार्तिक-कियाराच्या जोडीला पुन्हा एकदा प्रेक्षकांकडून पसंती मिळत असून त्यांच्या ऑनस्क्रीन केमिस्ट्रीने प्रेक्षकांचे लक्ष वेधून घेतले आहे. हेही वाचा : ‘आर्या’ वेब सीरिजसाठी सुष्मिता सेन नव्हती पहिली पसंती, ‘या’ अभिनेत्रीने नकार दिला म्हणून… ‘सत्यप्रेम की कथा’ हा चित्रपट या वर्षी २९ जून रोजी चित्रपटगृहांमध्ये प्रदर्शित होण्यासाठी सज्ज आहे. या चित्रपटाचे नाव आधी ‘सत्यनारायण की कथा’ असे होते, पण काही कारणास्तव यात बदल करून ‘सत्यप्रेम की कथा’ असे नाव ठेवण्यात आले. कार्तिक-कियारासह या चित्रपटात गजराज राव आणि सुप्रिया पाठक यांच्या महत्त्वाच्या भूमिका आहेत.
