अभिनेता व दिग्दर्शक फरहान अख्तरचा आज ५० वा वाढदिवस आहे. त्याच्या वाढदिवसानिमित्त दिग्गज अभिनेत्री व फरहानची सावत्र आई शबाना आझमी यांनी एक पोस्ट शेअर केली आहे. या पोस्टमध्ये पूर्ण अख्तर कुटुंब एकत्र पाहायला मिळालं. तसेच शबाना यांनी फरहानसाठी खूप गोड कॅप्शन लिहिलं आहे.
शबाना यांनी फरहानला बेटू म्हणत वाढदिवसाच्या शुभेच्छा दिल्यात. “वाढदिवसाच्या शुभेच्छा बेटू फरहान अख्तर. आनंदी राहा, खूप सारं प्रेम,” असं कॅप्शन त्यांनी या फोटोला दिलं आहे. या फोटोमध्ये जावेद अख्तर, त्यांची पहिली पत्नी हनी इराणी, फरहान अख्तर, त्याची पत्नी शिबानी दांडेकर, जोया अख्तर दिसत आहेत.
या फोटोवर कमेंट करत चाहते फरहानला वाढदिवसाच्या शुभेच्छा देत आहेत. शबाना आझमी यांनी फरहानसाठी पोस्ट केल्याने चाहते आनंद व्यक्त करत आहेत. त्यांनी त्याला बेटू म्हटल्याचंही अनेक नेटकरी कमेंट करून शबाना यांचं कौतुक करत आहेत.
