“या व्यक्तीमुळे मी आज…” शाहरुखच्या वाढदिवशी फराह खानची खास पोस्ट

फराह खानने शाखरुख खानसाठी खास पोस्ट इन्स्टाग्रामवर शेअर केली आहे. शाहरुखने फराहच्या ‘ओम शांती ओम’ चित्रपटात काम केलं होतं आणि हा चित्रपट बॉक्स ऑफिसवर तुफान हिट ठरला होता. शाहरुखसाठी लिहिलेल्या पोस्टमध्ये फराहने त्याचा उल्लेख ‘Mine’ असा केला आहे. फराह खानची ही पोस्ट सोशल मीडियावर बरीच चर्चेत आहे.

आणखी वाचा- “…म्हणून शाहरुख जमिनीवर झोपायचा”; आदित्य नारायणने सांगितला ‘परदेस’ सिनेमाचा किस्सा

फराह खानने शाहरुखचा एका व्हिडीओ शेअर करताना लिहिलं, “Mine!! माझा शाह, माझा मित्र, मेगास्टार, एक अशी व्यक्ती ज्याच्यामुळे मी चित्रपट निर्माती झाले. जो बॉलिवूडचा बादशाह असूनही नम्र आहे. ज्याच्याकडे स्वतःवरच जोरात हसण्याची हिंमत आहे. जो चित्रपटांपेक्षाही मोठा आहे. वाढदिवसाच्या शुभेच्छा शाहरुख खान. तुझा मला खूप अभिमान वाटतो. तू जसा आहेस त्यासाठी तुझे आभार”

फराहने इन्स्टाग्रामवर शेअर केलेल्या या व्हिडीओमध्ये फराह आणि शाहरुख यांच्यातील बॉन्डिंग दिसून येत आहे. या व्हिडीओमध्ये चित्रपटाच्या सेटवरील काही क्षण, डान्स रिहसल्स, अवॉर्ड शो यातील क्षण एकत्र कोलाज करण्यात आले आहेत. फराहच्या या व्हिडीओवर अनेक चाहत्यांनी कमेंट्स करत शाहरुख खानला वाढदिवसाच्या शुभेच्छा दिल्या आहेत. शाहरुख खानने फराहबरोबर ‘मैं हूँ ना’, ‘ओम शांती ओम’, ‘हॅप्पी न्यू इयर’ आणि अशा बऱ्याच चित्रपटांमध्ये काम केलं आहे.

आणखी वाचा- “… म्हणून मी लष्करात गेलो नाही”, शाहरुख खानचा खुलासा

शाहरुख खानच्या कामाबद्दल बोलायचं तर तो त्याच्या ‘पठाण’ हा चित्रपट लवकरच प्रेक्षकांच्या भेटीला येणार आहे. याशिवाय तो ‘जवान’ आणि राजकुमार हिरानी यांच्या ‘डंकी’ या चित्रपटात दिसणार आहे. ज्यात त्याच्याबरोबर अभिनेत्री तापसी पन्नू मुख्य भूमिकेत दिसणार आहे.