शाहरुख खानच्या जवान या चित्रपटाची गेले अनेक महिने सर्वत्र प्रचंड चर्चा आहे. अखेर ७ सप्टेंबर रोजी हा बहुप्रतीक्षित चित्रपट प्रदर्शित झाला. या चित्रपटाला सर्वत्र खूप प्रतिसाद मिळत आहे. पहिल्याच दिवशी या चित्रपटाने ७२ कोटींची छप्परफाड कमाई केली. संपूर्ण भारतातच नव्हेचांगला तर जगभरातही या चित्रपटाची चांगलीच हवा आहे. जगभरात या चित्रपटाने ५०० कोटींचा टप्पा पार केला आहे.
हेही वाचा- “मी नास्तिक आहे पण…” सामाजिक वातावरण गढूळ होण्याविषयीचं अनुराग कश्यपचं वक्तव्य चर्चेत
दरम्यान जवान चित्रपटाला मिळणाऱ्या यशानंतर शाहरुख खानने पत्रकार परिषदेचे आयोजन केलं होतं. या पत्रकार परिषदेत चित्रपटातील संपूर्ण टीम सहभागी झाली होती. यावेळी शाहरुखने दीपिकाशी संबधित एक किस्सा सांगितला आहे. शाहरुख म्हणाला, दीपिकाला वाटले की, ‘ती एक छोटीशी भूमिका करायला आले आहे. पण आम्ही तिला मूर्ख बनवले आणि तिच्याबरोबर संपूर्ण चित्रपट शूट केला. यासाठी दीपिकाचे धन्यवाद. प्रेक्षकांसाठी अशा प्रकारचा चित्रपट बनवताना मला खूप आनंद झाला.”
‘मी हैदराबादमध्ये एका प्रोजेक्टसाठी शूटिंग करत होते. यावेळी अॅटली आणि शाहरुख तिथे आले आणि त्यांनी मला संपूर्ण चित्रपटाची कथा सांगितली. चित्रपटात माझ्या पात्र केवढं आहे याने काही फरक पडत नाही. मी फक्त या व्यक्तिरेखेच्या प्रभावाचा विचार करत होते.
हेही वाचा- Video : शाहरुख खानचा जबरा फॅन; व्हेंटिलेटरवर असणारा चाहता ‘जवान’ पाहण्यासाठी पोहचला चित्रपटगृहात
चित्रपटाच्या कमाईबाबत बोलायचं झालं तर बॉक्स ऑफिसवर या चित्रपटाने धुमाकूळ घातला आहे. प्रदर्शनाच्या पहिल्याच दिवशी या चित्रपटाने ७२ कोटी रुपयांची कमाई केली होती. हिंदीबरोबर तमिळ आणि तेलगू भाषेतही या चित्रपटाने चांगली कमाई केली आहे. कमाईच्या बाबतीत जवानने अनेक रेकॉर्ड मोडले आहे. आत्तापर्यंत या चित्रपटाने ३४५.५८ कोटी रुपयांची कमाई केली आहे.
