बॉलिवूड अभिनेता शाहरुख खान आणि गौरी खान यांची लेक सुहाना खान ही कायमच चर्चेत आहे. ती लवकरच बॉलिवूडमध्ये पदार्पण करणार आहे. त्यापूर्वीच तिने सुहाना न्यूयॉर्कमधील ब्युटी ब्रँड ‘मेबलिन’ची ब्रँड अॅम्बेसेडर बनली आहे. या कार्यक्रमातील काही फोटो आणि व्हिडीओही समोर आले आहेत. नुकतंच सुहाना खान ही न्यूयॉर्कमधील ब्युटी ब्रँड ‘मेबलिन’ची ब्रँड अॅम्बेसेडर बनली आहे.
सुहानाने सोमवारी मुंबईत आयोजित एका मीडिया इव्हेंटमध्ये आंतरराष्ट्रीय ब्रँडची ब्रँड अॅम्बेसेडर होणार असल्याची संधी मिळाली आहे. सुहाना खान ही न्यूयॉर्कमधील ब्युटी ब्रँड ‘मेबलिन’ची ब्रँड अॅम्बेसेडर बनली आहे.
आणखी वाचा : Video: बॉलिवूड पदार्पणाआधीच शाहरुख खानच्या लेकीला मिळाली मोठी संधी; इंटरनॅशनल ब्रँड ॲम्बेसेडर बनली सुहाना
यानंतर शाहरुख खानने तिचा या कार्यक्रमातील व्हिडीओ शेअर केला आहे. या व्हिडीओत ती फारच सुंदर दिसत आहे. तसेच ती मीडियाशी संवाद साधताना दिसत आहे. याला त्याने हटके कॅप्शन दिले आहे.
“मेबलिन या ब्रँड जाहिरातीत झळकल्याबद्दल तुझे अभिनंदन बेटा. खूप छान दिसत होतीस. खूप चांगलं संभाषण केलेस. त्यासाठी खूपच अभिनंदन आणि जर मी याचे काही श्रेय घेऊ शकलो तर… तुझी वाढ खूप चांगल्यारितीने झाली. लव्ह यू माय लिल लेडी इन रेड!” असे शाहरुख खानने म्हटले आहे.
दरम्यान या कार्यक्रमात सुहानाने पहिल्यांदाच मीडियाशी संवादही साधला. “सर्वांना नमस्कार, मी येथे येऊन खूप उत्साहित आहे, या प्रोडक्टसाठी आम्ही जे काही शूट केले आहे ते तुम्ही लवकरच पाहावे, अशी माझी इच्छा आहे. हा माझ्यासाठी खूप मोठा सन्मान आहे. ब्रँड अॅम्बेसेडर म्हणून या ब्रँडचा एक भाग बनून मला खूप आनंद होत आहे.” असे तिने यावेळी म्हटले होते.
