बॉलीवूडच्या किंग खानचा बहुप्रतिक्षित ‘जवान’ चित्रपटाने दमदार सुरुवात केली आहे. प्रदर्शित होताच या चित्रपटाने नवे रेकॉर्ड बनवले आहेत. ओपनिंग डेला ‘जवान’ने इतिहास रचला आहे. या चित्रपटाच्या हिंदी व्हर्जननं पहिल्याच दिवशी ६५ कोटींची कमाई केली आहे. ‘जवान’ चित्रपटाने बॉक्स ऑफिसवर शनिवारी एका दिवसात ७४.५ कोटींची कमाई केली आहे. तीन दिवसांमध्ये चित्रपटाने २०० कोटींचा टप्पा पार केला आहे तसेच यूएसएमध्ये या चित्रपटाची ३३ हजार तिकिटे विकली गेली आहेत. या आठवड्यात ‘जवान’ ४०० कोटींची कमाई करण्याची शक्यता आहे.
ॲडव्हान्स बुकिंगमध्ये जवानने जबरदस्त कमाई केली आहे. मिळालेल्या माहितीनुसार ‘जवान’ने केवळ ॲडव्हान्स बुकिंगमध्ये ४४.५ कोटी रुपयांची कमाई केली आहे. चित्रपटाने हिंदी मध्ये अंदाजे ३९.९ कोटी रुपये, हिंदी IMAX मध्ये १.३१ कोटी रुपये आणि 4DX मध्ये ३३ लाख रुपये कमावले. तर तामिळमध्ये चित्रपटाने १.८५ कोटी रुपयांची आणि तेलगूमध्ये १.०५ कोटी रुपयांची तिकिटे विकली गेली आहेत.
दरम्यान, ‘जवान’बद्दल बोलायचं झाल्यास या चित्रपटात शाहरुख खान, नयनतारा व विजय सेतुपती यांच्या मुख्य भूमिका आहेत. याशिवाय यामध्ये प्रियामणी, सान्या मल्होत्रा, रिद्धी डोग्रा, आलिया, गिरीजा ओक यांच्या महत्त्वाच्या भूमिका आहेत. याशिवाय दीपिका पदुकोणचा कॅमिओदेखील आहे.
