शाहरुख खानचा ‘पठाण’ चित्रपट आता प्रदर्शनाच्या मार्गावर आहे. हा चित्रपट प्रदर्शनापूर्वीच वादाच्या भोवऱ्यात अडकला. मात्र शाहरुख नकारात्मक गोष्टींकडे दुर्लक्ष करत चित्रपटाचं जोरदार प्रमोशन करत आहे. सोशल मीडियाद्वारे शाहरुख चाहत्यांशी संवाद साधत आहे. नुकतचं त्याने ट्विटरवर ‘आस्क एसआरके’ सेशन ठेवलं होतं. यावेळी चाहत्यांनी त्याला विविध प्रश्न विचारले.
‘आस्क एसआरके’ सेशनमध्ये शाहरुख खानने चाहत्यांना त्याला प्रश्न विचारण्यास सांगितलं. यावेळी त्याच्याशी संवाद साधण्याची संधी चाहत्यांना मिळाली. एकापेक्षा एक भन्नाट प्रश्न यावेळी शाहरुखला विचारण्यात आले. यावेळी त्यानेही काही मोजक्याच प्रश्नांची मजेशीर उत्तर दिलं. त्याचीच सध्या सोशल मीडियावर चर्चा रंगत आहे.
दरम्यान एका चाहत्याने शाहरुखला त्याच्या कमाईबाबतच प्रश्न विचारला. “एका महिन्यामध्ये किती कमाई करतोस?” असा प्रश्न या चाहत्याने विचारला. यावर शाहरुखने लगेचच अगदी मजेशीर उत्तर दिलं. तो म्हणाला, “प्रत्येक दिवशी प्रेम खूप कमावतो.” पण किती कमाई करतो हे न सांगता शाहरुखने त्याला भन्नाट उत्तर दिलं.
आणखी वाचा – रितेश व जिनिलीयाच्या ‘वेड’ची कौतुकास्पद कामगिरी, बॉलिवूड चित्रपटाला मागे टाकत चार दिवसांतच कमावले इतके कोटी
शाहरुख चार वर्षांनी ‘पठाण’ चित्रपटाद्वारे प्रेक्षकांचं मनोरंजन करण्यास सज्ज झाला आहे. या चित्रपटात दीपिका पदुकोणसह त्याची असलेली केमिस्ट्री पाहण्यासही चाहते उत्सुक आहेत. ‘पठाण’ प्रेक्षकांच्या कितपत पसंतीस पडणार हे पाहणं रंजक ठरणार आहे.
