Shilpa Shetty Visit Ujjain Mahakal : बॉलीवूड अभिनेत्री शिल्पा शेट्टी सोशल मीडियावर सध्या चर्चेत आली आहे. शिल्पा शेट्टी ही तिचा पती राज कुंद्राबरोबर महादेवाच्या दर्शनासाठी गेली आहे. येथे तिने महादेवाला आपल्या मनातील सर्व इच्छा सांगितल्या आहेत. तसेच देवाकडे काही महत्त्वाच्या गोष्टीदेखील मागितल्या आहेत. शिल्पा शेट्टीचे महादेवाच्या चरणी पूजा करतानाचे काही फोटो आणि व्हिडीओ आता सोशल मीडियावर व्हायरल होत आहेत.
शिल्पा शेट्टी पती राजकुंद्राबरोबर उज्जैनच्या महाकालेश्वर मंदिरात आली आहे. उज्जैनचे महाकालेश्वर मंदिर जगभर प्रसिद्ध आहे. दरवर्षी अनेक भाविक येथे दर्शनासाठी येत असतात. मनोरंजन विश्वातील अनेक कलाकार येथे दर्शनासाठी येतात. मंदिरात प्रवेश करताच अभिनेत्रीने प्रवेशद्वारावरच मस्तक ठेवून दर्शन घेतले. त्यावेळी मंदिरातील पुजारीबाबांनी शिल्पाला देवाच्या दरबारातील एक ओढणी प्रसादाच्या स्वरूपात दिली. ही ओढणी डोक्यावर घेत, शिल्पा शेट्टी नंदीदेवाजवळ आली. पती राज कुंद्रासह ती येथे बसली आणि तिने मनोभावे देवाची आराधना केली. त्यासह शिल्पाने नंदीच्या कानात तिच्या मनातील सर्व इच्छा सांगितल्या आहेत.
हेही वाचा : Video : “नवीन नाती अन् घर…”, मालिकेने कांचन आजीला काय दिलं? म्हणाल्या, “सून सासूची आई झाली…”
महादेवाकडे मागितली ही खास गोष्ट
शिल्पा शेट्टी दर्शन घेऊन मंदिरातून बाहेर आल्यावर तिने ‘नवभारत टाइम्स’ला एक मुलाखत दिली. त्यामध्ये ती म्हणाली, “माझे मन तृप्त झाले”. असे म्हणतात की, जोपर्यंत महादेव स्वत: तुम्हाला बोलावत नाहीत तोपर्यंत तुम्ही त्यांचे दर्शन करू शकत नाही. तब्बल १८ वर्षांनंतर आम्हाला महादेवाच्या दर्शनाची संधी मिळाली आहे. इतक्या वर्षांनी आम्हाला त्यांनी बोलावले. हे एक ज्योतिर्लिंग आहे. येथील शक्ती प्रत्येकाला माहीत आहे. तुम्ही एकदा येथे आल्यावर काहीही मागाल, ते पूर्ण होईल. येथील शक्ती, येथील ऊर्जा फार छान आहे. महादेवाने मला फार काही दिले आहे. त्यामुळे यावेळी मी त्यांच्याकडे फक्त सुरक्षा आणि सुखी जीवन मागितले आहे.”
शिल्पा शेट्टीने तिच्या इन्स्टाग्राम अकाउंटवर दर्शनाचे काही फोटो आणि व्हिडीओ पोस्ट केले आहेत. त्यात तिने आरतीचा एक व्हिडीओ पोस्ट केला आहे. आरतीच्या वेळी उपस्थित राहून तिने मनोभावे महादेवाची पूजा केली आहे.
हेही वाचा : मलायका अरोरा रात्री उशिरा पार्टीतून बाहेर पडली, भररस्त्यात घसरला पाय अन्…; पाहा व्हिडीओ
अभिनेत्रीने बॉलीवूडमध्ये आजवर अनेक सुपरहिट चित्रपट केले आहेत. तिचा चाहता वर्गदेखील फार मोठा आहे. शिल्पाने अनेक रिअॅलिटी शोमध्ये परीक्षकांची (जज) भूमिका निभावली आहे. लवकरच शिल्पा एका दाक्षिणात्य चित्रपटातून प्रेक्षकांच्या भेटीला येणार आहे. ‘केडी – द डेव्हिल’ असं तिच्या आगामी चित्रपटाचे नाव आहे. या चित्रपटात अभिनेता ध्रुव सर्जा प्रमुख भूमिकेत आहे. या चित्रपटामध्ये शिल्पा शेट्टी सत्यवती अग्निहोत्री हे पात्र साकारणार आहे.
