अभिनेता रणबीर कपूर आणि श्रद्धा कपूर यांच्या प्रमुख भूमिका असलेला ‘तू झूठी मैं मक्कार’ हा चित्रपट गेले अनेक दिवस चर्चेत आहे. हा चित्रपट ८ मार्चला रिलीज होणार आहे. गेले अनेक दिवस रणबीर आणि श्रद्धा त्यांच्या या चित्रपटाचं जोरदार प्रमोशन करताना दिसत आहेत. आता त्याचंच फळ म्हणून या चित्रपटाच्या ॲडव्हान्स बुकिंगला जबरदस्त प्रतिसाद मिळताना दिसतोय.
शनिवारी संध्याकाळपासून ‘तू झूठी में मक्कार’ चित्रपटाच्या ॲडव्हान्स बुकिंगला सुरुवात झाली. पहिल्याच दिवशी ॲडव्हान्स बुकिंला तुफान प्रतिसाद मिळाला. पहिल्या दिवसाच्या ॲडव्हान्स बुकिंगचा आकडा पाहता रणबीर व श्रद्धाचा हा चित्रपट दमदार कमाई करणार असल्याचा अंदाज व्यक्त केला जात आहे.
आणखी वाचा : पुण्याला पोहोचताच श्रद्धा कपूरने घेतला अस्सल पुणेरी मिसळ व वडापावचा आस्वाद, म्हणाली…
‘तू झूठी मैं मक्कार’ च्या पहिल्या दिवसाच्या शोची सुमारे ७० हजार तिकिटं विकली जाण्याची आशा आहे. रविवारी रात्रीपर्यंत या चित्रपटाची देशभरात जवळपास ३० हजार तिकिटं विकली गेली आहेत. या ॲडव्हान्स बुकिंगमधून जवळपास ५ कोटी रुपये कमाई होईल असं बोललं जात आहे. त्यामुळे हा प्रतिसाद पाहता रणबीर आणि श्रद्धाचा हा चित्रपट पहिल्याच दिवशी जवळपास १५ कोटी रुपयांची कमाई करेल असाही अंदाज वर्तवला जात आहे.
हेही वाचा : श्रद्धा कपूरने सांगितलं उत्तम मराठी बोलता येण्यामागचं गुपित, म्हणाली, “कारण मी…”
‘तू झूठी में मक्कार’ हा रोमँटिक कॉमेडी चित्रपट असून त्यात रणबीर कपूर आणि श्रद्धा कपूर प्रमुख भूमिकेत आहेत. या चित्रपटाच्या निमित्ताने टी दोघं पहिल्यांदाच एकत्र दिसणार आहेत. याबरोबरच या चित्रपटात डिंपल कपाडिया, बोनी कपूर आणि कॉमेडियन अनुभव सिंग बस्सी हे कलाकारही महत्त्वपूर्ण भूमिकेत आहेत. अभिनेता म्हणून बोनी कपूर यांचा हा पहिलाच चित्रपट आहे.
