अभिनेत्री श्रद्धा कपूर ही बॉलिवूडमधील आघाडीच्या अभिनेत्रींच्या यादीमध्ये सामील आहे. अभिनेत्री श्रद्धा कपूर ही तिच्या मराठमोळ्या अंदाजासाठी नेहमीच ओळखली जाते. तिला मराठी संस्कृतीबद्दल खूप प्रेम आहे. कालच तिचा वाढदिवस झाला. या वाढदिवसाच्या दिवशी चाहत्याने तिला मराठीतून शुभेच्छा दिल्या. त्या पाहून श्रद्धा भारीच खुश झालेली दिसली.
श्रद्धा सध्या तिच्या आगामी ‘तू झुठी मै मक्कार’ या चित्रपटामुळे खूप चर्चेत आहे. सध्या ती या चित्रपटाचं जोरदार प्रमोशन करत आहे. वाढदिवसाच्या दिवशी देखील तिने सुट्टी घेतली नाही. ती प्रमोशनच्या निमित्ताने एका कार्यक्रमात सहभागी झाली होती. काल तिने तिचा वाढदिवस चाहत्यांबरोबर साजरा केला. काल संध्याकाळी तिने तिचा केक कापलेला एक फोटो सोशल मीडियावर पोस्ट केला. या पोस्टवर तिच्या एका चाहत्याने तिला मराठीतून शुभेच्छा दिल्या.
आणखी वाचा : पुण्याला पोहोचताच श्रद्धा कपूरने घेतला अस्सल पुणेरी मिसळ व वडापावचा आस्वाद, म्हणाली…
श्रद्धाने तिचा फोटो सोशल मीडियावर पोस्ट करताच त्यावर तिच्या चाहत्यांनी हजारो कमेंट्स केल्या. त्यातील काही मोजक्या लोकांना श्रद्धाने रिप्लायही दिला. या सर्व कमेंट्समधून एका चाहत्याने तिला दिलेल्या मराठीतून शुभेच्छांवर श्रद्धाची नजर पडली. चाहत्याने लिहिलं होतं, “मराठीमध्ये – पैदा दिवसाच्या हार्दिक शुभेच्छा!” ही कमेंट वाचताच श्रद्धाला फार आनंद झाला. लगेचच तिने या कमेंटला रिप्लाय देत लिहिलं, “थँक यू! मराठीमध्ये नेहमीच एक्स्ट्रा स्पेशल.”
हेही वाचा : श्रद्धा कपूरने सांगितलं उत्तम मराठी बोलता येण्यामागचं गुपित, म्हणाली, “कारण मी…”
आता तिचा हा रिप्लाय सध्या सोशल मीडियावर खूपच चर्चेत आला आहे. तिच्या या रिप्लायवर अनेकांनी लाइक्स देत आणि कमेंट्स करत तिच्या मनात असलेल्या मराठी संस्कृतीबद्दलच्या प्रेमाचं कौतुक केलं आहे.
