सुप्रसिद्ध अभिनेते कमल हसन यांची लेक श्रुती हसनही लोकप्रिय अभिनेत्रींपैकी एक आहे. मध्यंतरी श्रुतीने तिच्या नाकाची सर्जरी केली असल्याचा खुलासा केला होता. “मी माझ्या नाकाची सर्जरी केली आहे. माझ्या नाकाला दुखापत झाल्यामुळे मी सर्जरी केली.” असं श्रुतीने स्पष्ट शब्दांमध्ये सांगितलं. आता श्रुतीने शेअर केलेल्या फोटोंमध्ये तिचा विचित्र लूक समोर आला आहे.
श्रृतीने तिच्या इन्स्टाग्राम अकाऊंटद्वारे काही फोटो शेअर केले आहेत. या फोटोंमध्ये श्रुतीचा एक वेगळाच लूक दिसून येत आहे. एका फोटोमध्ये श्रुती अगदी सुंदर दिसत आहे. तर दुसऱ्या फोटोमध्ये तिचा आजारपणातील फोटो दिसत आहे.
श्रुतीने हे फोटो शेअर करताना म्हटलं की, “परफेक्ट पोस्ट व सेल्फीच्या जगात माझे काही लूक फायनल होऊ शकले नाहीत. खराब केसांचा दिवस, ताप, सायनसमुळे सुजलेला चेहरा व मासिक पाळीचा त्रास आणि आराम. तुम्हाला माझा हा देखील लूक आवडेल अशी आशा आहे.”
आणखी वाचा – मराठमोळ्या सासूबाईंबरोबर बेभान होऊन नाचली आमिर खानची लेक, अभिनेत्याच्या एक्स पत्नीनेही धरला ठेका अन्…
श्रुतीचा हा लूक पाहून चाहत्यांनी तिचं कौतुकच केलं आहे. खरा चेहरा, अगदी सुंदर, या लूकमध्येही छान दिसते अशा अनेक कमेंट तिचे फोटो पाहून चाहत्यांनी केल्या आहेत. सध्या तापामुळे तसेच मासिक पाळीच्या त्रासामुळे श्रुती हैराण झाली आहे.