कियारा अडवाणी व सिद्धार्थ मल्होत्रा ७ फेब्रुवारी रोजी विवाहबंधनात अडकले. काही वर्ष एकमेकांना डेट केल्यानंतर त्यांनी लग्न करण्याचा निर्णय घेतला. जैसलमेरमधील सूर्यगढ पॅलेसमध्ये त्यांचा शाही विवाह सोहळा रंगला. लग्नानंतर त्यांनी आता नवीन घर घेतलं आहे. गेले अनेक दिवस सिद्धार्थ नवीन घराच्या शोधात होता. आता त्यांनी त्यांचे ड्रीम होम खरेदी केलं आहे.
७ तारखेला विवाह सोहळा रंगला नंतर ही सगळी मंडळी दिल्लीला सिद्धार्थच्या घरी आली. तिथे कियाराचा गृहप्रवेश झाला. तर तिथे त्यांनी एक रिसेप्शनही ठेवलं होतं. तो सगळा कार्यक्रम उरकून आता ते मुंबईत आले आहेत. काल मुंबईत त्यांच्या लग्नाचा रिसेप्शन झालं. त्यांच्या लग्नाची सर्वत्र चर्चा सुरू असतानाच आता त्यांनी घेतलेल्या नवीन घराचे फोटो आणि व्हिडीओ व्हायरल होऊ लागले आहेत.
सिद्धार्थ कियारा यांनी मुंबईत पाली हिल येथे एक आलिशान घर घेतलं आहे. गेले अनेक महिने सिद्धार्थ नवीन घराच्या शोधात होता. बांद्रे येथे त्याच्या असलेल्या घराप्रमाणेच त्याला त्याचं नवीन घरही सी फेसिंग हवं होतं. तर आता त्यांनी त्यांच्या स्वप्नातलं घर गेल्याच आठवड्यात विकत घेतलं आहे. त्यांचं हे नवीन घर ३५०० स्क्वेअर फुट असून त्याची किंमत ७० कोटी आहे.
सध्या सिद्धार्थ कियारा त्यांच्या बांद्रा येथे असलेल्या घरी राहत आहेत. तर लवकरच ते त्यांच्या नवीन घरात गृहप्रवेश करतील. सध्या या घराच्या इंटिरियरचं काम सुरू असल्याचं बोललं जात आहे. त्यामुळे आता लग्न बरोबरच नवीन घर घेतल्याबद्दलही त्यांच्यावर चाहते शुभेच्छांचा वर्षाव करू लागले आहेत.
