अभिनेता सिद्धार्थ मल्होत्राला हिंदी चित्रपटसृष्टीत पदार्पण करून १० वर्षे पूर्ण झाली आहेत. त्याच्या आगमी प्रोजेक्ट्सची यादी मोठी आहे. तो सध्या ओटीटीवर रोहित शेट्टीसोबत ‘इंडियन पोलिस फोर्स’ नावाची वेब सीरिज करत आहे. तसेच धर्मा प्रॉडक्शनसाठी करण जोहरच्या ‘योधा’ चित्रपटाचे शूटिंग सुरू आहे आणि रश्मिका मंदानाबरोबरचा त्याचा ‘मिशन मजनू’ हा चित्रपट प्रदर्शित होण्याच्या मार्गावर आहे. तर या दिवाळीत तो अजय देवगणसोबत दिग्दर्शक इंद्र कुमारच्या ‘थँक गॉड’ या चित्रपटात दिसणार आहे. पण आता त्याने फ्लॉप झालेल्या चित्रपटांच्या दिग्दर्शकांबद्दल एक महत्वाचे भाष्य केले आहे.
आणखी वाचा : अभिनेते मनोज जोशी ‘एअर इंडिया’वर संतापले; व्हिडीओ शेअर करत व्यक्त केला राग, नेमकं घडलं काय?
त्याच्या आतापर्यंतच्या करिअरमध्ये त्याचे काही चित्रपट हिट झाले, तर काही फ्लॉप. यासागल्याबद्दल त्याने नुकतीच ‘अमर उजाला’ला मुलाखत दिली. या मुलाखतीत त्याच्या अयशस्वी चित्रपटांबद्दल आणि त्या चित्रपटांच्या दिग्दर्शकांबद्दल त्याला विचारले गेले. त्या प्रश्नाचे उत्तर देताना तो म्हणाला, “मला वाटते की, कलाकार म्हणून या दिग्दर्शकांनी माझ्यावर जितका विश्वास ठेवला, तितकाच विश्वास मीही त्यांच्यावर ठेवला.”
पुढे तो म्हणाला, “त्यांच्या चित्रपटात काम करताना मी त्यांना कधीच प्रश्न विचारले नाहीत. ते म्हणायचे हा सीन करायचा आहे, हे असं करायचं आणि अॅक्शन…! मी फक्त त्यांना फॉलो केलं. एखादा चित्रपट हिट होणं किंवा फ्लॉप होणं हे सुरूच असतं. पण यामुळेच आयुष्याचा एक आलेख बनतो, नाहीतर आपले आयुष्य अगदी सरळ असते.”
हेही वाचा : सिद्धार्थ मल्होत्राचा धक्कादायक खुलासा, म्हणाला, “‘स्टुडंट ऑफ द इयर’ हा माझा…”
व्यवसायिकप्रमाणेच गेल्या काही दिवसात सिद्धार्थच्या वैयक्तिक आयुष्याबद्दलही बरेच काही बोलले जात होते. तो आणि कियारा अडवाणी लवकरच विवाह बंधनात अडकणार असल्याच्या बातम्या येत होत्या. मात्र यावर भाष्य करत सिद्धार्थने त्या सगळ्या अफवा असल्याचा खुलासा केला होता.
