लग्न सिद्धार्थ-कियाराचं, चर्चा मात्र ईशा अंबानीच्या बॅगेची; किंमत ऐकून थक्क व्हाल!

कियारा आणि सिद्धार्थ डेस्टिनेशन वेडींग करणार असून त्यासाठी त्यांनी राजस्थानमधील जैसलमेर ही जागा निवडली आहे. राजस्थान जैसलमेर या ठिकाणी असलेल्या सूर्यगढ पॅलेस ते दोघेही विवाहबद्ध होणार आहेत. याच पार्श्भूमीवर करण जोहर, मनीष मल्होत्रा, शाहिद कपूर आणि मीरा कपूर यांसह अनेक कलाकार हे जैसलमेरला पोहोचले. विशेष म्हणजे कियारा अडवाणीची खास मैत्रीण असलेली ईशा अंबानी या लग्नात सहभागी झाली आहे. ईशा आणि कियारा या दोघीही एकमेकींच्या बालपणीपासूनच्या मैत्रिणी आहेत. त्या दोघांमध्ये खूप स्पेशल बॉण्डिंग आहे.
आणखी वाचा : Sidharth Malhotra-Kiara Advani Wedding : ८४ खोल्या, ९२ बेडरुम, व्हिला, पूल अन्…; सूर्यगढ पॅलेसमध्ये लग्नासाठी एका दिवसाचे भाडे किती? 

काही दिवसांपूर्वी ईशा अंबानी ही कियाराच्या लग्नासाठी पतीबरोबर जैसलमेरला पोहोचली. तिचे विमानतळावरील लूकचे अनेक फोटो ही व्हायरल झाले होते. यावेळी इशाने पांढऱ्या रंगाचा डिझाईनर ड्रेस परिधान केला होता. त्याबरोबर तिने गळ्यात डायमंड ज्वेलरीही परिधान केली होती. तिच्या या लूकची सर्वत्र चर्चा पाहायला मिळाली.

या लूकबरोबर ईशाने हातात घेतलेल्या गुलाबी रंगाच्या बॅगने सर्वांचेच लक्ष वेधून घेतले. तिची ही बॅग फारच लहान असली तरी तिची किंमत ऐकून सर्वजण थक्क झाले. ईशाच्या हातात असलेली ही हँडबॅग ‘हर्मीस पॅरिस’ या लक्झरी ब्रँडची आहे.

आणखी वाचा : अनंत अंबानीने साखरपुड्यात घातलेला ‘कार्टियर पँथर ब्रोच’ कोणी दिला? ‘त्या’ व्यक्तीचं नाव आलं समोर

ही बॅग गुलाबी एप्सम लेदरपासून तयार करण्यात आली आहे. ‘केली २० मिनी सेलर बॅग’ असे या बॅगेचे नाव आहे. या बॅगेची किंमत ३८ हजार ५५० अमेरिकन डॉलर इतकी आहे. याचाच अर्थ भारतीय चलनानुसार या बॅगेची किंमत ३१ लाख ७० हजार रुपये इतकी आहे. ईशा अंबानीच्या या बॅगेची किंमत ऐकून अनेकजण थक्क झाले आहेत.